މާބަނޑުވުމުގެ ކުރިން ހަދާ ޓެސްޓުތައް — ނުހަދާ ދޫކޮށްލުމަށްވުރެ މާ މުހިއްމު

ދަރިއަކު ހޯދުމަށް ވިސްނާ ހިސާބުން ޑޮކްޓަރަށް ދައްކާ ޕްލޭންކޮށްގެން ކުރިއަށް ގެންދިއުމަކީ މާބަނޑު ދުވަސްވަރު މީހާގެ ދުޅަހެޔޮކަމަށް މުހިންމު ކަމެކެވެ. އަދި މާބަނޑު ދުވަސްވަރަށާއި މުޅި މަރުހަލާއަށްވެސް މުހިއްމު ކަމެކެވެ. އެގޮތުން އާއްމުކޮށް ޑޮކްޓަރުން ލަފާދެނީ ދަރިއަކު ހޯދުމުގެ ތިން މަސްކުރިން ޑޮކްޓަރަށް ދައްކާ ޕްލޭންކުރުމަށެވެ. 

ޓެސްޓްތައް ހެދުން 

ޑޮކްޓަރުން ލަފާދެނީ މީހާގެ ހިމޮގްލޮބިން , ލޭގެ ހަކުރު ހުރި މިންވަރު , ތައިރޮއިޑް އަދި ޔޫރިން ޗެކްކުރާށެވެ. މި ހުރިހާ އެއްޗެއް ޗެކްކޮށް ހުންނަންވާ ރޭންޖް ނޫން އެހެން ރޭންޖެއްގައި ހުރިތޯ ބަލަންވާނެއެވެ. 

advertisement

ބޭނުންކުރަންޖެހޭ ބޭސްތައް 

މާބަނޑުވުމުގެ ތިން މަސްކުރިން ކޮންމެ އަންހެނަކުވެސް ފޮލިކް އެސިޑް ކާންވާނެއެވެ. އަދު ވިޓަމިން ބީ12 ސަޕްލިމެންޓްވެސް ނަގަންވާނެއެވެ. މިއީ އަންހެނުންގެ ޚާއްސަ ޑޮކްޓަރުން ދޭ އިރުޝާދެވެ. 

މިއީ މާބަނޑުވުމަށް ތައްޔާރުވުމުގެ (މަދުވެގެން) ތިން މަސްދުވަސް ކުރިން ކެއުމަށް ޑޮކްޓަރުން ލަފާދޭ ބޭހެވެ. 

މާބަނޑުކަން އެނގޭ ހިސާބުން ޑޮކްޓަރަށް ދައްކަންވާނެއެވެ. ކުރިއަށް އޮތް ނުވަ މަސްދުވަސް ޕްލެންކުރާށެވެ. ގަވާއިދުން ޑޮކްޓަރަށް ދައްކާ ހަދަންޖެހޭ ޓެސްޓްތައް ހަދާށެވެ. ސަބަބަކީ މާބަނޑު ދުވަސްވަރު ހަދާ ކޮންމެ ޓެސްޓަކީ މުހިންމު ޓެސްޓްތަކެއް ކަމަށްވާތީއެވެ. އެހެން ކަމުން އަމިއްލައަށް މިއީ ބޭނުންތެރި ޓެސްޓެއް ނޫންކަމަށް ހީކޮށް ޑޮކްޓަރާއި މަޝްވަރާ ނުކޮށް އަމިއްލައަށް ގޮތް ނިންމާ ޓެސްޓްތައް ނަހަދާ ދޫކޮށްނުލާށެވެ.