ރިޕޯޓް: ގަން އިންޓަނޭޝަނަލް އެއާޕޯޓް އިންޑިއާ ކަނޑުގެ ޓްރާންސިޓް ހަބަކަށް ބަދަލުކުރުން

މިއަދުގެ ގްލޯބަލައިޒްޑް ދުނިޔޭގައި ވައިގެ ދަތުރުފަތުރަކީ އަޅުގަނޑުމެންގެ ދިރިއުޅުމުގެ މުހިންމު ބަޔަކަށް ވެއްޖެއެވެ. ވައިގެ ދަތުރުފަތުރުގެ ޑިމާންޑް ބޮޑުވަމުންދާއިރު، ކޮންމެ އަހަރަކު ދެބިލިއަނަށް ވުރެ ގިނަ މީހުން ވައިގެ މަގުން ދަތުރު ކުރެއެވެ. އަދި ވައިގެ ދަތުރު ފަތުރުގެ ވިޔަފާރި 2030 ވަނަ އަހަރު 600 ބިލިއަން ޑޮލަރުގެ އަގުހުރި ވިޔަފާރިއަކަށް ވާނެކަމަށް އަންދާޒާކުރެވެއެވެ.  

ގަން އެއަރޕޯޓަކީ ސްޓްރެޓެޖިކް ލޮކޭޝަނާއި ވަސީލަތްތަކަށް ބަލާއިރު, އަހަރަކު 2 މިލިއަނަށް ވުރެ ގިނަ ޓްރާންސިޓް ފަސިންޖަރުންފަހި އެއާޕޯޓެއްގެ ގޮތުގައި ބޭނުންކުރުމުގެ ފުރުސަތު ބޮޑު އެއަރޕޯޓެކެވެ. މި ލިޔުމުގައި ގަން އިންޓަނޭޝަނަލް އެއާޕޯޓް ޕްރިމިއާ ޓްރާންސިޓް ހަބަކަށް ތަރައްގީ ކުރުމުގެ އެކި ކަންތައްތަކާއި، އިންފްރާސްޓްރަކްޗާ ރަނގަޅުކުރުމުން ފެށިގެން ހިންގުން ފުރިހަމަކޮށް އިތުރުކުރުމާއި ސްޓްރެޓެޖިކް ޕާޓްނަޝިޕްތަކާ ހަމައަށް އަލިއަޅުވާލެވިފައިވާނެއެވެ.

advertisement

1. އިންފްރާސްޓްރަކްޗަރ ފުޅާކުރުން:

ފަސިންޖަރުންގެ ދަތުރު އިތުރުވުމުން ޖާގަ ދިނުމަށްޓަކައި ގަން އިންޓަނޭޝަނަލް އެއާޕޯޓުން އިންފްރާސްޓްރަކްޗާ ތަރައްގީ ކުރުމަށް އިސްކަން ދޭން ޖެހެ އެވެ. މީގެ ތެރޭގައި ޓާމިނަލްގެ ވަސީލަތްތައް ފުޅާކޮށް ޒަމާނީ ކުރުމާއި، ރަންވޭގެ ކެޕޭސިޓީ އިތުރުކުރުމާއި، ޕާކިން އަދި ގްރައުންޑް ޓްރާންސްޕޯޓޭޝަންގެ ހިދުމަތް އިތުރުކުރުން ހިމެނެއެވެ. ޒަމާނީ އިންފްރާސްޓްރަކްޗަރަށް އިންވެސްޓްކޮށްގެން އެއާޕޯޓުން ފަސިންޖަރުންނަށް އަރާމު އަދި ތަފާތު ޓްރާންސިޓް ތަޖުރިބާއެއް ލިބި، ހިތްހަމަޖެހުމުގެ މިންވަރު އިތުރުވެގެންދާނެ އެވެ.

2. ފަސިންޖަރުންގެ ހިދުމަތްތައް ސްޓްރީމްލައިންކުރުން:

ޓްރާންސިޓް ފަސިންޖަރުން ޝައުގުވެރި ކުރުވުމަށް ފަސިންޖަރުންގެ ހިދުމަތްތައް ރަނގަޅަށް ކުރިއަށް ގެންދިއުމަކީ ވަރަށް މުހިންމު ކަމެކެވެ. ގަން އިންޓަނޭޝަނަލް އެއާޕޯޓުން ފޯކަސް ކުރަން ޖެހޭނީ ބަޔޮމެޓްރިކް އައިޑެންޓިފިކޭޝަން ސިސްޓަމްތަކާއި އޮޓޮމެޓިކް އިމިގްރޭޝަން އަދި ކަސްޓަމްސް ޕްރޮސީޖާތަކާއި ސެލްފް ސާވިސް ޗެކް-އިން ކިއޮސްކްތައް ފަދަ ޒަމާނީ ޓެކްނޮލޮޖީތައް ތަންފީޒުކުރުމަށެވެ. 

މި ކަންކަމުގެ ސަބަބުން މިކަންކަމަށް ހިނގާ ވަގުތު މަދުކޮށް، ކަރުދާސްތައް މަދުކޮށް، ފަސިންޖަރުންގެ ހިތްގައިމު ތަޖުރިބާ އިތުރުވެ، ޓްރާންސިޓް ދަތުރުވެރިންނަށް ގަން އެއާޕޯޓަކީ ސިންގަޕޫރު އަދި ދުބާއީގެ އެއަރޕޯޓު  ފަދަ އިތުރު ހަބަކަށް ވެގެންދާނެއެވެ.

3. އެއަރލައިންތަކަށް ލުއި ފަސޭހަ ފުރުސަތާއި އެއްބާރުލުން ދިނުން:

ބޮޑެތި އެއާލައިންތަކާއެކު ސްޓްރެޓެޖިކް ޕާޓްނަޝިޕްތައް ގާއިމްކޮށް، މިހާރު ހުރި އެއްބާރުލުންތައް އިތުރުކުރުމަކީ ގަން އިންޓަނޭޝަނަލް އެއާޕޯޓް އިސްކަންދޭ ޓްރާންސިޓް ހަބެއްގެ ގޮތުގައި ބެހެއްޓުމުގެ މުހިންމު ކަމެކެވެ. ތަފާތު އެއާލައިންތަކެއް ޝައުގުވެރި ކުރުވައިގެން، އެއާޕޯޓުން ގުޅާލާ ފްލައިޓްތަކުގެ ފުރިހަމަ ނެޓްވޯކެއް ގާއިމްކޮށް، ފަސިންޖަރުންނަށް ފަސޭހަ ގޮތްތަކާއި އެއްވެސް ދަތިކަމެއް ނެތި ދަތުރުފަތުރުގެ ގުޅުންތައް ލިބިގެންދެ އެވެ. މިކަން ހާސިލް ކުރެވޭނީ ވާދަވެރި އެއާޕޯޓްތަކާ އަޅާބަލާއިރު ޓެކްސް އާއި ލޭންޑިން ފީ އާއި އޮޕަރޭޝަނަލް ހަރަދު ކުޑަކޮށްގެންނެވެ.

4. ޓްރާންސިޓް ފަސިންޖަރުންގެ ވަސީލަތްތައް:

ޓްރާންސިޓް ފަސިންޖަރުން ޝައުގުވެރި ކުރުވުމަށް ގަން އިންޓަނޭޝަނަލް އެއާޕޯޓުން ފޯކަސް ކުރަން ޖެހެނީ ފުޅާ ދާއިރާއެއްގައި ފަސޭހަތަކާއި ހިދުމަތްތައް ފޯރުކޮށްދިނުމަށެވެ. އޭގެ ތެރޭގައި އަރާމު އިށީނދެވޭނެ ތަންތަނާއި، ހައިސްޕީޑް ވައިފައި ކަނެކްޓިވިޓީއާއި، ޗާޖިން ސްޓޭޝަންތަކާއި، ބިޒްނަސް ސެންޓަރުތަކާއި، ނަމާދުކުރާ ކޮޓަރިތަކާއި، ޑިއުޓީ ފްރީ ޝޮޕިންގްތަކާއި، ތަފާތު ކެއުމުގެ ފުރުސަތުތައް ހިމެނެއެވެ.  މީގެ އިތުރުން ޓްރާންސިޓް ފަސިންޖަރުންނަށް ގިނަ ދުވަހު ލޭއޯވަރ ކުރާއިރު އަރާމުކޮށް ރިލެކްސް ކުރުމަށް ކައިރީގައި ހުންނަ ހޮޓަލްތަކަށް ވަދެވޭނެ ގޮތް ހެދުމާއި، ޓްރާންސިޓް ޗުއްޓީ ވިއްކުން ހިމެނެއެވެ.

5. ލޯކަލް ޓޫރިޒަމް ކުރިއެރުވުން:

ގަން އިންޓަނޭޝަނަލް އެއާޕޯޓަށް ލޯކަލް ޓޫރިޒަމް ޕްރޮމޯޓް ކުރުމަށް އައްޑޫ މަންޒިލެއްގެ ގޮތުގައި އިސްތިހާރު ކުރެވޭނެ ކަމަށާއި، އެކަމުގެ ސަބަބުން ފަސިންޖަރުން ޓްރާންސިޓް ދިގުކޮށް، އައްްޑޫގެ ސަރަހައްދު ތަޖުރިބާކުރުމަށް ބާރުއެޅޭނެއެވެ. ލޯކަލް ޓޫރިޒަމް ބޯޑުތަކާއި ހޮޓަލްތަކާއި ޓުއާ އޮޕަރޭޓަރުންނާ ގުޅިގެން ސްޓޮޕްއޮވަރ ޕެކޭޖުތައް އުފެއްދުމަށް މަގުފަހިކޮށްދީ، ސަރަހައްދުގެ ސަގާފީ، ތާރީހީ، އަދި ގުދުރަތީ މުހިންމުކަންތައްތައް ދައްކާލެވޭނެ އެވެ. މި ކަންކަމުގެ ސަބަބުން ލޯކަލް އިގްތިސާދަށް ފައިދާ ކުރާ ކަމުގެ އިތުރުން ޓްރާންސިޓް ފަސިންޖަރުންނަށް އެހެން ޓްރާންސިޓް އޮޕްޝަންތަކަށް ވުރެ ގަން އިންޓަނޭޝަނަލް އެއާޕޯޓް އިޚްތިޔާރު ކުރުމަށް ހިތްވަރު ލިބެ އެވެ.

6. މާކެޓިންގ އެންޑް ބްރޭންޑިންގ:

ޕްރިމިއާ ޓްރާންސިޓް ހަބެއްގެ ގޮތުގައި ޖީއޭއެން އިންޓަނޭޝަނަލް އެއާޕޯޓް ގާއިމްކުރުމުގައި ހަރުދަނާ މާކެޓިން ސްޓްރެޓެޖީއެއް ވަރަށް މުހިންމެވެ. މިއީ މުހިންމު މާކެޓްތަކުގައި އަމާޒުކޮށްގެން އިޝްތިހާރު ކުރުމުގެ ކެމްޕޭންތައް ހިންގުމާއި، އެއާޕޯޓުގެ ތަފާތު ހުށަހެޅުންތަކާއި، ފަސޭހަކަމާއި، ކަނެކްޓިވިޓީގެ ފައިދާތަކަށް އަލިއަޅުވާލުމެވެ. 

މީގެ އިތުރުން ޓްރެވަލް އެޖެންސީތަކާއި އޮންލައިން ޓްރެވަލް ޕްލެޓްފޯމްތަކާއި ފްރީކުއެންޓް ފްލައިއާ ޕްރޮގްރާމްތަކާ އެކު ޕާޓްނަޝިޕް ހެދުމަކީ ޓްރާންސިޓް ދަތުރުވެރިންނަށް ހޭލުންތެރިކަން އިތުރުކޮށްދީ ޖީއޭއެން އިންޓަނޭޝަނަލް އެއާޕޯޓް އެމީހުން އިސްކަންދޭ ޓްރާންސިޓް ޕޮއިންޓެއްގެ ގޮތުގައި ހޮވުމަށް ހިތްވަރު ދިނުމެވެ.

ގަން އިންޓަނޭޝަނަލް އެއާޕޯޓަކީ އަހަރަކު 2 މިލިއަނަށް ވުރެ ގިނަ ފަސިންޖަރުން ޒިޔާރަތްކުރާ ފާހަގަކޮށްލެވޭ ޓްރާންސިޓް ހަބެއްގެ ގޮތުގައި އުފެދުމުގެ ފުރުސަތު އޮތް އެއާޕޯޓެކެވެ. އިންފްރާސްޓްރަކްޗާ ޑިވެލޮޕްމަންޓަށް އިންވެސްޓްކޮށް، ފަސިންޖަރުންގެ ޕްރޮސެސްތައް ސްޓްރީމްލައިންކޮށް، ސްޓްރެޓެޖިކް ޕާޓްނަޝިޕްތައް ގާއިމްކޮށް، ލޯކަލް ޓޫރިޒަމް ޕްރޮމޯޓްކޮށް، ޓެކްސް އާއި ފީ ކުޑަ އެއާލައިންތަކަށް އިންސެންޓިވޭޓްކޮށްގެން ޓްރާންސިޓް ދަތުރުވެރިންނަށް ކޮމްޕްލިޝިން ޕްރޮޕޮޒިޝަނެއް އެއާޕޯޓުން އުފެއްދިދާނެ އެވެ. 

މާކެޓިން އަދި ބްރޭންޑިންގެ ފައިދާހުރި މަސައްކަތްތަކާއެކު، ދުނިޔޭގެ އެކި ކަންކޮޅުތަކުން ފަސިންޖަރުންނަށް އެއްވެސް ދަތިކަމެއް ނެތި އުފާވެރި ދަތުރު ތަޖުރިބާއެއް ލިބި، ޓްރާންސިޓް މަންޒިލެއްގެ ގޮތުގައި ގަން އިންޓަނޭޝަނަލް އެއާޕޯޓަށް ޕޮޒިޝަން ކުރެވޭނެ އެވެ.