ރާއްޖެއަކީ ފަތުރުވެރިން ދަތުރުކުރުން ރައްކާތެރި ޤައުމެއްކަމަށް ކަނޑައަޅާ “ސޭފް ޓްރެވަލް ސްޓޭމްޕް” ދީފި

ާއްޖެއަކީ ފަތުރުވެރިން ދަތުރުކުރުން ރައްކާތެރި ޤައުމެއްކަމަށް ކަނޑައަޅާ ވޯލްޑް ޓްރެވަލް އެންޑް ޓުއަރިޒަމް ކައުންސިލުން ދޭ “ސޭފް ޓްރެވަލް ސްޓޭމްޕް” ރާއްޖެއަށް ލިބިއްޖެއެވެ.

މި ސްޓޭމްޕް ރާއްޖެއަށް ލިބިފައިވަނީ ސިއްޙީ ގޮތުންނާއި، އަދި ބަލިން ރައްކާތެރިވުމަށް ރާއްޖެއިން އަޅަމުންދާ ހަރުދަނާ ފިޔަވަޅުތަކުގެ ސަބަބުންނެވެ. މި ސްޓޭމްޕްގެ ސަބަބުން ފަތުރުވެރިންގެ މެދުގައި ރާއްޖެއާއިމެދު އޮންނަ އިތުބާރު ބޮޑުވެ، ރާއްޖެއަކީ މި ހާލަތުގައި ދަތުރުކުރުން ރައްކާތެރި ޤައުމެއްކަމުގެ ޔަގީންކަން ލިބިގެންދާނެއެވެ.

މިއީ ބައިނަލްއަޤްވާމީ ފެންވަރުގައި މިގޮތަށް ދޭންފެށި ފުރަތަމަ “ސޭފް ޓްރެވަލް ސްޓޭމްޕް”އެވެ. ވޯލްޑް ޓުއަރިޒަމް އޮގަނައިޒޭޝަންގެ އިތުރުން 200ޓްރެވަލް ކޮމްޕެނީއަކުން ވަނީ މި ސްޓޭމްޕް އެންޑޯޒްވެސްކޮށްފައެވެ.

advertisement

ޔުނައިޓެޑް ނޭޝަންސް ވޯލްޑް ޓުއަރިޒަމް އޮގަނައިޒޭޝަންގެ ޓުއަރިޒަމް ކައުންސިލުން ތަޢާރަފްކުރި “ސޭފް ޓްރެވަލް ސްޓޭމްޕް”އަކީ ކޯވިޑް-19ގެ ޙާލަތުގައި ފަތުރުވެރިން ދަތުރުކުރުން ރައްކާތެރި ޤައުމުތައް ކަނޑައަޅައި މިންކުރުމަށްދޭންފެށި ސްޓޭމްޕެކެވެ.

ރާއްޖޭގެ ބޯޑަރު އަލުން ފަތުރުވެރިނަށް ހުޅުވާލާފައިވަނީ ޖުލައި މަހުގެ 15 ވަނަ ދުވަހުއެވެ. ބޯޑަރު ހުޅުވާލުމާއިއެކު ރާއްޖެއަށް މިހާރު ފަތުރުވެރިން އަންނަނީ ޒިޔާރަތްކުރަމުންނެވެ. ރާއްޖޭގެ މައި އެއަރޕޯޓް، ވެލާނާ އިންޓަނޭޝަނަލް އެއަރޕޯޓަކީވެސް ދަތުރުކުރުން އެންމެ ރައްކާތެރި އެއަރޕޯޓްކަން ކަނޑައަޅައި ބައިނަލްއަޤްވާމީ މިންކުރުމެއް ދާދިފަހުން ވަނީ ވީއައިއޭއަށް ލިބިފައެވެ.