މޯލްޑިވްސް ވަރޗުއަލް ޓުއަރ އެކްސްޕޯއެއް ތައާރަފްކޮށްފި

މޯލްޑިވްސް ވަރޗުއަލް ޓުއަރ އެކްސްޕޯއަކީ ފަތުރުވެރިންނަށް އަމާޒުކޮށްގެން ވާޗުއަލްކޮށް ބާއްވާ ފެއަރއެކެވެ. މި ފެއަރ މެދުވެރިކޮށް ދުނިޔޭގެ އެކި ހިސާބުތަކުން 100 މިލިއަން ފަތުރުވެރިންނަށް ރާއްޖެ އިޝްތިހާރުކުރުމަކީ އަމާޒެކެވެ.

މޯލްޑިވްސް ވަރޗުއަލް ޓުއަރ އެކްސްޕޯ ބާއްވަނީ ފަތުރުވެރިން ރާއްޖެ އައުމުގެ ކުރިން އެމީހުންނަށް ރާއްޖޭގެ ރީތި މަންޒަރުތައް ވާޗުއަލްކޮށް ދައްކާލުމުގެ ބޭނުމުގައެވެ. މި ފެއަރ މެދުވެރިކޮށް ރާއްޖޭގެ ގިނަ ކަންކަމެއް އެއް ޕްލެޓްފޯމަކުން ބަލާލުމުގެ ފުރުސަތު ފަތުރުވެރިންނަށް ލިބިގެންދާނެއެވެ. 

advertisement

މި ފެއަރ ކުރިއަށްދާނީ މޯލްޑިވްސް ވާޗުއަލް ޑޮކް ކޮމް އިންނެވެ. ހަފްތާއެއްގެ މުއްދަތައް ފެއަރ ކުރިއަށްދާއިރު ފެއަރގައި އިންޓަރެކްޓިވްކޮށް ކުރިއަށްދާ ތަފާތު ގޭމްތައް ހުންނާނެއެވެ. ކޮންމެ ޓުއަރއެއް ނިމުމުން ފޮރުވާފައިވާ ޕަޒުލް ފީސްއެއް ހޯދުމުގެ ފުރުސަތު ލިބޭނެއެވެ. އަދި މި ޕަޒުލް ފުރިހަމަކުރާ ފަރާތްތަކަށް އަގުހުރި އިނާމުތަކެއް ލިބިގެންދާނެއެވެ. 

މި ފެއަރގެ ތެރެއިން ފަތުރުވެރިންނަށް ވަރޗުއަލް ހޭންގްއައުޓް ތައް ކުރިއަށްދާނެއެވެ. މި ހޭންގްއައުޓްތަކުގައި ބައިވެރިވެގެން ދުނިޔޭގެ އެކި ކަންކޮޅުތަކުން ފަތުރުވެރިންނާއި ބައްދަލުވުމުގެ ފުރުސަތު ލިބިގެންދާނެއެވެ. ފެއަރގައި ބައިވެރިވާ ފަތުރުވެރިންނަށް ރިސޯޓްތަކުގެ އެންމެ ފަހުގެ މައުލޫމާތުތައް ބަލާލުމުގެ ފުރުސަތު ލިބިގެންދާނެއެވެ.

މޯލްޑިވްސް ވަރޗުއަލް ޓުއަރ އިންތިޒާމްކުރަނީ “މޯލްޑިވްސް ވަރޗުއަލް ޓުއަރ، ދި ބްރެތްޓޭކިންގ 360 ޑިގްރީ ވަރޗުއަލް ޓުއަރސް އޮފް މޯލްޑިވްސް” އިންނެވެ. މިއީ އޯރކާ މީޑިއާ ގްރޫޕްގެ އުފެއްދުމެކެވެ. އޯރކާ މީޑިއާ ގުރޫޕަކީ ރާއްޖޭގެ އެންމެ ކުރިއަރާފައިވާ މީޑިއާ އަދި މާކެޓިންގ ފާމެވެ.