ގްރީސްގެ ކޮންސެޕްޓަށް ހުޅުމާލޭގައި މިނޫޝިއާގެ ނަމުގައި އައު ރެސްޓޯރަންޓެއް!

ގްރީސްގެ ކޮންސެޕްޓަށް ހުޅުމާލޭގައި މިނޫޝިއާގެ ނަމުގައި އައު ރެސްޓޯރަންޓެއް ހުޅުވައިފިއެވެ. މިތަނުގެ އިންޓީރިއާ ޑިޒައިންކޮށްފައިވަނީ ރެސްޓޯރަންޓަށް ޒިޔާރަތްކުރާ ކަސްޓަމަރުންނަށް ގްރީސްގައި ހުރެވޭކަހަލަ އިހްސާސެއް ކުރެވޭނެފަދަ ގޮތަކަށެވެ.

މި ރެސްޓޯރަންޓް ހުޅުވާފައިވަނީ އިއްޔެ ހަވީރުއެވެ. ރެސްޓޯރަންޓް ހުޅުވުމަށް ލައިވް މިއުޒިކާއިއެކު ކުޑަ ރަސްމިއްޔާތެއް ވަނީ ބާއްވާފައެވެ.

advertisement

 މިނޫޝިއާގެ މެނޭޖަރ އަލީ މަމްދޫހް ވިދާޅުވީ، މިވަގުތު އެންމެ ޙާއްސަ ކަމެއްގެ ގޮތުގައި އިންނާނީ ހަވީރު ގަޑީގައި ކުރިއަށްދާ ހައިޓީކަމަށެވެ. ހައިޓީގެ 2 ޕެކޭޖެއް އިންނައިރު ހައި ޓީއާއިއެއްކޮށް ސައި އިންނާނީ ފްރީކޮށްކަމަށް އޭނާ ވިދާޅުވިއެވެ.

“އަޅުގަނޑުމެންގެ ސްޕެސިއަލް އެއްޗަކަށް އިންނާނީ ހައި ޓީއެއް. 2 ޕެކޭޖެއް އިންނާނެ. 175 އާއި 100 ގެ ޕެކޭޖެއް. ޝޯޓްއީޓްސްއާއި އެއްކޮށް ޓީއިންނާނީ ފްރީކޮށް. 15:30 އިން 18:00 އަށް އިންނާނީ.”

މިނޫޝިއާގެ އެންމެ ޙާއްސަ އެކައްޗެއްގެ ގޮތުގައި ހައިޓީ ހިމެނުނަސް މިތަނުން މެއިން ކޯސްވެސް ލިބޭނެކަމަށް މަމްދޫހް ވިދާޅުވިއެވެ. 30 މީހުންގެ ޖާގައިގެ މި ރެސްޓޯރަންޓުން ކޯވިޑް19 ގެ ސަބަބުން އިޖްތިމާއި ގައިދުރުކަމާއިއެކު މިވަގުތު އެއްފަހަރާ ޙިދުމަތްދޭނީ 24 މީހުންނަށެވެ.

މި ރެސްޓޯރަންޓް ހުންނާނީ ހުޅުމާލެ، ނިރޮޅުމަގު މާލެދާން ބްރިޗަށް އަރާ ސަރަހައްދުގައެވެ. މަމްދޫހް ވިދާޅުވީ، އާންމުކޮށް އެ ރެސްޓޯރަންޓަށް އަންނަ ކަސްޓަމަރުންނަށް ކުރިއަށްއޮތްތަނުގައި ލޯޗަލްޓީ ކާޑާއި ޑިސްކައުންޓްވެސް ތައާރަފްކުރާނެކަމަށެވެ.

“ޑެއިލީ ކަސްޓަމަރެއްގެ ގޮތުގައި މިކޮޅަށް އަންނަ ކަސްޓަމަރުންނަށް ލޯޗަލްޓީ ކާޑެއްގެ އަޅުގަނޑުމެން ޕްރޮވައިޑްކޮށްދޭނަން. މިކޮޅަށް ޑައިނިންގ އަށް އަންނަންޏާ ވީކްލީ ވިއަސް ޑެއިލީ ވިއަސް ބަލާފައި ޑިސްކައުންޓެއްވެސް ޕްރޮވައިޑްކޮށްދޭން އަޅުގަނޑުމެން ވިސްނަން. މީތި ފަށަން އަޅުގަނޑުމެން ވިސްނަނީ 2 މަސްވަރު ފަހުން.” މަމްދޫހް ވިދާޅުވިއެވެ.

ގްރީސްގެ ކޮންސެޕްޓަކަށް އިންޓީރިއަރ އިންނާތީ ގިނަ ކަސްޓަމަރުންނަށް ވަރަށް ކަމުދާކަމަށް އެ ރެސްޓޯރަންޓުން ބުނެއެވެ.