ރާއްޖޭގައި އަނގަ ހައްދު ޖަހާނަމަ ޖަމީލްގެ އެންމެ ދަތެއްވެސް ނުހުންނާނެ – އަނދުން ހުސައިން

ރާއްޖޭގައި އަނގަ ހައްދު ޖަހާނަމަ ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދުގެ އެންމެ ދަތެއްގެ ނުހުންނާނެކަމަށް ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސައިން) ވިދާޅުވެއްޖެއެވެ.

އަނދުން ހުސައިންގެ ޓްވީޓްގައި ވިދާޅުވެފައިވަނީ ހިތާމައިގެ ކޮޅެއްވެސް ނެތް ކަމަށާއި، މި ރާއްޖޭގައި އަނގަ ހައްދު ޖެހުން ހުއްޓާލާފައި ނެތްނަމަ ޖަމީލްގެ އެންމެ ދަތެއްވެސް މިހާރު ނުހުންނާނެކަމަށެވެ. ޖަމީހް މިހާރު އެ ހުންނެވީ ދޮގު ހަދަމުންގޮސް ކައްޒާބަށް ވެފައިކަމަށް އަނދުން ހުސައިން ވަނީ ވިދާޅުވެފައެވެ.

advertisement

އަރަބި ބަހުގައި “އަލް ކައްޒާބު” މިހެން ކިޔަނީ ގިނަގިނައިން ދޮގު ހަދާ މީހުންނަށެވެ.

އަނދުން ހުސައިން މިހެން ވިދާޅުވެފައިވަނީ ޑރ. މުހައްމަދު ޖަމީހް އަޙްމަދު ކުރެއްވި ޓްވިޓަކާއި ގުޅިގެންނެވެ. އެ ޓްވީޓްގައި ވިދާޅުވެފައިވަނީ ރަށްޔިތުން ބަނޑަށްޖެހި ދެކޮޅުނުޖެހިގެން އުޅޭއިރު ވެރިން ތިބީ އެންއީއޯސީ ތެރޭގައި ބައިއަޅަންކަމަށެވެ. ރަށްޔިތުން ބަދިގެތެރެއަށް ވައްދާފައި ވެރިން ވަނީ ތިޖޫރިތެރެއަށްކަމަށެވެ. ތަރައްޤީ ވަޒަންކުރަނީ ވަޒީރުންގެ ދަތުރުތަކުންތޯ އާއި އެމްޑީޕީއަށް ތަރައްޤީ މިކުރެވުނީ ހުސް ކޮރަޕްޝަން ނޫންތޯ ޖަމީލްގެ ޓްވީޓްގައި ވަނީ ސުވާލު ކުރައްވާފައެވެ.