އިންކަމް ސަޕޯޓް އެލަވަންސްގެ ގޮތުގައި 67.8 މިލިއަން ރުފިޔާ ދޫކޮށްފި

އިންކަމް ސަޕޯޓް އެލަވަންސްގެ ގޮތުގައި 67.8 މިލިއަން ރުފިޔާ ދޫކޮށްފައިވާކަމަށް ފިނޭންސް މިނިސްޓްރީން ވިދާޅުވެއްޖެއެވެ.

އިންކަމް ސަޕޯޓް އެލަވަންސްއަކީ ކޯވިޑް19 ގެ ސަބަބުން ވަޒީފާއަށް އަސަރުކޮށްފައިވާ ފަރާތްތަކުގެ ދިރިއުޅުމުގެ ޒަރޫރީ ބޭނުންތައް ފުއްދުމަށް ސަރުކާރުންދޭ އެހީއެއްގެ ގޮތުގައެވެ. 

advertisement

ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ސެޕްޓެމްބަރ މަހުގެ 10 ވަނަ ދުވަހުގެ ނިޔަލަށް 6872 މީހަކަށް އިންކަމް ސަޕޯޓް އެލަވަންސް ވަނީ ދޫކޮށްފައެވެ. މިއީ 67.8 މިލިއަން ރުފިޔާއެވެ. ފިނޭންސް މިނިސްޓްރީން ބުނީ މި މުއްދަތުގައި އިންކަމް ސަޕޯޓް އެލަވަންސްއަށް އެދި 16082 މީހަކު ފޯމު ހުށައަޅާފައިވާކަމަށެވެ.

އިންކަމް ސަޕޯޓް އެލަވަންސްއަށް އެދި ހުށައަޅަންޖެހެނީ ޖޮން ސެންޓަރަށެވެ. އޮގަސްޓްމަހުގެ އިންކަމް ސަޕޯޓް އެލަވަންސްއަށް އެދި މިމަހުގެ 30 ވަނަ ދުވަހުގެ ކުރިން ހުށައެޅޭނެކަމަށް ޖޮބް ސެންޓަރުން ވަނީ ބުނެފައެވެ. 

ރާއްޖޭގައި ވަޒީފާ އަދާކުރާ ފަރާތްތަކުގެ ތެރެއިން، 1 ޑިސެންބަރު 2019 ގެ ފަހުން އާމްދަނީއަށް ނުރަނގަޅު އަސަރުކޮށްފައިވާ ފަރާތްތަކަށް އިންކަމް ސަޕޯޓު އެލަވަންސްއަށް އެދި މިހާރު ހުށައެޅޭނެއެވެ.