ގުޅީފަޅުގައި ބައިނަލްއަޤްވާމީ ބަނދަރެއް ތަރައްޤީކުރުމަށް އާންމުންގެ ހިޔާލު ހޯދުމަށް ސަރވޭއެއް

ގުޅީފަޅުގައި ބައިނަލްއަޤްވާމީ ބަނދަރެއް ތަރައްޤީކުރުމާގުޅޭގޮތުން އާއްމުން ދެކޭގޮތް ބެލުމަށް ޚާއްސަ ސަރވޭއެއް ފަށައިފިއެވެ.

އޮންލައިންކޮށް ކުރިއަށްގެންދާ މި ސަރވޭއަކީ ލޭންޑް އެންޑް މެރިން އެންވަޔަރަމަންޓަލް ގްރޫޕް، ލަމަޔަރއިން އިކޮނޮމިކް މިނިސްޓްރީއާއި ގުޅިގެން ކުރިއަށްގެންދާ ސަރވޭއެކެވެ.

މި ސަރވޭގެ މައިގަނޑު މަޤްސަދަކީ މާލޭގެ ޕޯޓުތަކުގައި ދެވޭ ޚިދުމަތްތައް ގުޅީގަޅަށް ބަދަލުކުރުމުގެ މަޝްރޫޢު ރާވާފައިވާ ގޮތާމެދު އާއްމުންގެ ޚިޔާލު ހޯދުމެވެ. މީގެއިތުރުން ސަރވޭގެ ތެރެއިން މި މަޝްރޫޢުގެ ސަބަބުން ތިމާވެއްޓަށާއި މުޖުތަމަޢުއަށް އަސަރު ފޯރާނޭ މިންވަރާމެދު އާއްމުން ދެކޭގޮތްވެސް ބެލުމަށް ވަނީ ހަމަޖެހިފައެވެ.

advertisement

ގުޅީފަޅުގައި އިންޓަރނޭޝަނަލް ޕޯރޓް ހެދުމަށް ކުރިއަށްގެންދާ މި މަޝްރޫޢުގެ މައިގަނޑު ބޭނުމަކީ މާލޭ ސަރަޙައްދުގައި މިހާރު ހުރި ހުރިހާ ވިޔަފާރި ބަނދަރުތަކުގެ މަސައްކަތްތައް ގުޅީފަޅަށް ބަދަލުކުރުމެވެ.

މާލޭގެ ވިޔަފާރި ބަނދަރުތަކުގެ ޖާގައިގެ ދަތިކަން ހުރުމުގެ ސަބަބުން ބަނދަރުތަކުން ޚިދުމަތް ހޯދާ ފަރާތްތަކަށް ގިނަ ދަތިތަކަކާވަނީ ކުރިމަތިލާންޖެހިފައެވެ. ޖާގައިގެ ދަތިކަމުގެ ސަބަބުން ބަނދަރުތަކުން ޚިދުމަތްތައް އިތުރަށް ފުޅާކުރުމަށްވެސް ބޮޑު ހުރަސްތަކެއް ވަނީ އެޅިފައެވެ.