އިންޑިއާއިންދިން ލޯނަށް ސަރުކާރުގެ ފަރާތްތަކުން އަތްޖެހީ ވާނުވާ ނޭންގިތިބެ – ޝިޔާމް

އިންޑިއާއިންދިން މަލީ އެހީއަށް ސަރުކާރުގައި ތިބި ފަރާތްތަކުން އަތްޖަހާފައިވަނީ ވާނުވާނޭންގިތިބެކަމަށް ނައިފަރުދާއިރާގެ މަޖިލިސް މެންބަރު އަޙްމަދު ޝިޔާމް ވިދާޅުވެއްޖެއެވެ.

ޝިޔާމް ކުރެއްވި ޓްވިޓެއްގައި ވިދާޅުވެފައިވަނީ ބައެއް މީޑިއާތަކުން އިންޑިއާއިން ދިވެހި ސަރުކާރަށް ހިލޭ އެހީގެ ގޮތުގައި ގޮތުގައި 250 މިލިއަން ޑޮލަރުގެ ލޯނެއް ދީފިކަމަށް ބުނެ ޙަބަރުގައި ޖަހާފައިވާކަމަށެވެ. ވާނުވާގައިތިބި ސަރުކާރުގެ ފަރާތްތަކުން ސާބަހޭ ކިޔާ އަތްޖަހާފައިވާކަމަށް ޝިޔާމްގެ ޓްވިޓްގައި ވަނީ ވިދާޅުވެފައެވެ.

advertisement

ބަޖެޓް ސަޕޯޓަށް ދޭން އިންޑިއާ އިން ބުނި 250 މިލިޔަން ޑޮލަރުގެ ލޯނު ޗެކް އިއްޔެ ވަނީ އިންޑިއާ ސަރުކާރުން ރާއްޖޭގެ ސަރުކާރަށް ހަވާލުކޮށްފައެވެ.

ސޮފްޓް ލޯނެއްގެ ގޮތުގައި އިންޑިއާއިން ރާއްޖެ އަށް ދޫކުރި އެ ފައިސާގެ ޗެކް ފޮރިން މިނިސްޓަރު އަބްދުﷲ ޝާހިދާ ހަވާލުކުރެއްވީ ރާއްޖޭގައި ހުންނަވާ އިންޑިއާގެ ސަފީރު ސަންޖޭ ސުދިރު އެވެ. 

ސްޓޭޓް ބޭންކް އޮފް އިންޑިއާ މެދުވެރިކޮށް އިންޑިއާއިން ރާއްޖެ އަށް ދިން 250 މިލިޔަން ޑޮލަރުގެ ލޯނަކީ އިންޑިއާއިން ބުނިގޮތުގައި އަނބުރާ ދެއްކުމުގައި ލުއި ގޮތްތަކަކަށް އެއްބަސްވެގެން ދިން ލޯނެކެވެ. ސްޓޭޓް ބޭންކް އޮފް އިންޑިއާ މެދުވެރިކޮށް އެ ލޯނު ދިނީ ބޮންޑް ގަތުމުގެ އުސޫލުން، 10 އަހަރުގެ ތެރޭގައި އަނބުރާ ދައްކާ ގޮތަށެވެ.