ކޮމިއުނިޓީ ބްރޯޑްކާސްޓިންގ މަޝްރޫޢު އާއި ގުޅޭގޮތުން އެޑިޔުކޭޝަން މިނިސްޓަރާ ބައްދަލުކޮށްފި

ތަޢުލީމީ ދާއިރާއަށް އަމާޒުކޮށްގެން ހިންގާ ކޮމިއުނިޓީ ބްރޯޑްކާސްޓިންގ މަޝްރޫޢު އާއި ގުޅޭގޮތުން މިނިސްޓަރ އޮފް އެޑިޔުކޭޝަން ޑރ.އައިޝަތު ޢަލީއާއެކު މޯލްޑިވްސް ބްރޯޑްކާސްޓިންގ ކޮމިޝަނުން މަޝްވަރާކުރައްވައިފިއެވެ.

މި ބައްދަލުވުން ބާއްވާފައިވަނީ އޮންލައިންކޮށްނެވެ. މި ބައްދަލުވުމުގައި އެޑިޔުކޭޝަން މިނިސްޓަރ ޑރ. ޢާއިޝަތު ޢަލީ ވަނީ މިއީ މިފަދަ ދަނޑިވަޅެއްގައި މިއީ ކޮމިޝަނުން އިސްނަގައިގެން ކުރިއަށްގެންދާ ވަރަށް މުހިންމު ޕްރޮޖެކްޓެއް ކަން ވިދާޅުވެފައެވެ. އަދި މީގެ ސަބަބުން ގިނަ ދަރިވަރުންތަކަކަށް ގޭގައި ތިބެގެން ތަޢުލީމު ހޯދުމުގެ ފުރުސަތު ފަހިވެފައިވާ ކަމަށެވެ.

ސްކޫލުތަކުން މި ޚިދުމަތް ދިނުމަށް ބޭނުންވާނަމަ، މިނިސްޓްރީގެ ގަވާއިދުތަކާއި އުސޫލުތަކާ އެއްގޮތްވާ ގޮތުގެ މަތިން، އެހީތެރިކަން ފޯރުކޮށްދެއްވާނެ ކަމަށް މިނިސްޓަރ ވަނީ ވިދާޅުވެފައެވެ. ގިނަ ސުކޫލްތަކަކުން ތައުލީމް ފޯރުކޮށްދިނުމުގައި މިފަދަ އުފެއްދުންތެރި ވަސީލަތްތަކުގެ ބޭނުން ހިފާނެކަމަށް އުންމީދުކުރައްވާކަމަށް މިނިސްޓަރ ވަނީ ވިދާޅުވެފައެވެ.  

advertisement

މިފަދަ ޕްރޮޖެކްޓެއް ހިންގުމުގެ މައިގަނޑު ބޭނުމަކީ ޢާންމުންނަށް ކިހާ ބޭނުންތެރި ޚިދުމަތެއްތޯ ދެނެގަތުންކަމަށް މި ބައްދަލުވުމުގައި ވާހަކަދައްކަވަމުން ކޮމިޝަންގެ މެންބަރުން ވަނީ ވިދާޅުވެފައެވެ. އަދި ބްރޯޑްކާސްޓިންގ ދާއިރާގައި މަސައްކަތްކުރާނެ އުފެއްދުންތެރި މީހުން ބިނާކުރުމަކީވެސް މި ޕްރިޖެކްގެ އަމާޒެއްކަމަށް އެ ކޮމިޝަނުން ވަނީ ވިދާޅުވެފައެވެ.

ކޮމިއުނިޓީ ބްރޯޑްކާސްޓިންގެ ޕައިލޮޓް ޕްރޮޖެކްޓް ގައި ބައިވެރިވުމަށް ހުޅުވާލި ފުރުސަތުގެ ދަށުނ ރ. ދުވާފަރު ޕްރައިމަރީ ސުކޫލަށް ކޮމިޝަނުން ވަނީ ހުއްދަދީފައެވެ. މިއީ މި ޕްރޮޖެކްޓްގެ ދަށުން ދޫކުރި ފުރަތަމަ ހުއްދައެވެ.