މޯލްޑިވްސް ވަރޗުއަލް ޓުއަރ އެކްސްޕޯ އެހެން އެކްސްޕޯތަކާއި ތަފާތުވާ 4 ސަބަބު

ވަރޗުއަލްކޮށް ރާއްޖެ އިޝްތިހާރުކުރުމަށް “މޯލްޑިވްސް ވަރޗުއަލް ޓުއަރ އެކްސްޕޯއެއް” ބާއްވަން މިހާރު ވަނީ ތައްޔާރުވެފައެވެ. ވާޗުއަލްކޮށް ރާއްޖެ އިޝްތިހާރުކުރާއިރު ބޭނުންކުރާ ފޮޓޯއާއި ވީޑީއޯތައް ނަގާފައިވާގޮތުން، ދުނިޔޭގެ ކޮންމެ ތަކެއްގައި ހުރިނަމަވެސް އެ ރިސޯޓެއް ނުވަތަ ގެސްޓްހައުސްއެއްގެ މަންޒަރުތައް ބަލާ ފަރާތްތަކަށް އެ ތަނުގައި ހުރެވޭކަހަލަ އިހުސާސެއް ކުރެވޭނެއެވެ.

މި ފެއަރ ކުރިއަށްދާނީ މޯލްޑިވްސް ވާޗުއަލް ޑޮކް ކޮމް މެދުވެރިކޮށްނެވެ. ތިރީގައި މި ހިމަނާލަނީ މޯލްޑިވްސް ވާޗުއަލް ޓުއަރ އެކްސްޕޯ އެހެން އެކްސްޕޯތަކާތުވާ 4 ސަބަބެވެ.

advertisement

މިއީ މިފަދަ ގޮތަކަށް ރާއްޖޭގައި ބާއްވާ ފުރަތަމަ ފެއަރ

މޯލްޑިވްސް ވާޗުއަލް ޑޮކް ކޮމް މެދުވެރިކޮށް ބާއްވާ މި ފެއަރއަކީ ވަރޗުއަލްކޮށް ރާއްޖޭގެ މަންޒަރުތައް ބަލާލުމުގެ ފުރުސަތުލިބޭ ފެއަރއެކެވެ. މި ފެއަރ މެދުވެރިކޮށް ރާއްޖޭގެ 150 ވަރަކަށް ރަށުގެ 2000 އަށްވުރެ ގިނަ ވަރޗުއަލް ޓުއަރ ފެންނާނެއެވެ. މިއީ ކޮންމެ ކުއާޓަރަކު ދުނިޔޭގެ އެކި ހިސާބުތަކުގެ ފަތުރުވެރިންނަށް އަމާޒުކޮށްގެން ބާއްވާ ފެއަރއެކެވެ.

ޑައިރެކްޓް ބުކިންތައް އިތުރުވާނެ

މޯލްޑިވްސް ވާޗުއަލް ޓުއަރ އަކީ ފަތުރުވެރިން ރާއްޖެ އައުމުގެ ކުރިން ރާއްޖޭގެ ރިސޯޓްތަކާއި ގެސްޓްހައުސްތައް އަދި ރާއްޖޭގެ ރީތި މަންޒަރުތައް އެމީހަކު ހުރި ތަނަކުން ބަލާލުމުގެ ފުރުސަތު ފަހިކޮށްދޭ ފެއަރއެކެވެ. މި ފެއަރގައި ބައިވެރިވެފައިވާ ތަންތަން ބަލާލުމަށްފަހު ފަތުރުވެރިންނަށް ވަގުތުން އެ ޕްރޮޕަޓީއެއްގެ ބުކިން ޕޯޓަލް މެދުވެރިކޮށް ބުކިން ހަދާލެވޭނެއެވެ.

100 މިލިއަން ފަތުރުވެރިންނަށް ރާއްޖެ އިޝްތިހާރު ކުރެވޭނެ

ތަނަކަށް ދަތުރުކުރުމުގެ ކުރިން ފަތުރުވެރިން އެތަނަކާއި ބެހޭ ގިނަ މައުލޫމާތުތަކެއް ބޭނުންވެއެވެ. އެތަނަކާ ބެހޭގޮތުން އެހެންމީހުން ލިޔެފައިވާ ލިޔުންތައް ކިޔުމާއި، ފޮޓޯއާއި ވީޑިއޯ ބަލާލުން ފަދަ ކަންކަން ހިމެނެއެވެ. މޯލްޑިވްސް ވަރޗުއަލް އެކްސްޕޯ އަމާޒުކޮށްފައިވަނީ ސޯސަލް މީޑިއާ ޕްލެޓްފޯމްތަކަށެވެ. ޑިޖިޓަލް މާކެޓިން މެދުވެރިކޮށް ދުނިޔޭގެ އެކި ކަންކޮޅުތަކުން 100 މިލިއަން ފަތުރުވެރިންނަށް ރާއްޖެ އިޝްތިހާރުކުރުމަކީ މި ފެއަރގެ މަޤްސަދެކެވެ.

ފެއަރގައި ލިބޭ އަގުހުރި އިނާމްތަކުގެ ސަބަބުން ފަތުރުވެރިންގެ ބައިވެރިވުން އިތުރުވާނެ

ފެއަރގައި ކުރިއަށްދާ ކޮންމެ ޓުއަރއެއް ފުރިހަމަކުރުމުން އަގުހުރި އިނާމުތައްލިބޭ ލަކީޑްރޯގައި ބައިވެރިންނަށް ބައިވެރިވެވޭނެއެވެ. މީގެ ސަބަބުން ކޮންމެ ޕްރޮޕަޓީއެއް އިޝްތިހާރުކުރާއިރު ފަތުރުވެރިންގެ ބައިވެރިވުން ލިބި އެތަނަކާއި ގުޅޭ މައުލޫމާތުތައް ދުނިޔޭގެ އެކި ކަންކޮޅުތަކުގެ ފަތުރުވެރިންނަށް ފޯރުކޮށްދެވޭނެއެވެ.