އަންނަ މަހުން ފެށިގެން ކަސްޓަމްސްއަށް ދައްކާ ޑިއުޓީއާއި ފައިސާ ބަލައިގަންނާނީ އޮންލައިންކޮށް

އަންނަ މަހުގެ އެއްވަނަ ދުވަހުން ފެށިގެން ކަސްޓަމްސްއަށް ދައްކާ ޑިއުޓީއާއި އެހެނިހެން ފައިސާ ބަލައިގަންނާނީ އޮންލައިންކޮށްކަމަށް އެ ކުންފުނިން ބުނެފިއެވެ. މި ބަދަލާއިއެކު ކަސްޓަމްސްއަށް ދައްކަންޖެހޭ ޑިއުޓީއާއި އެހެނިހެން ފައިސާ ބަލައިގަންނާނީ ކަސްޓަމްސް ޕޯޓަލް، ކަސްޓަމްސްޕޭ ނުވަތަ އެމްއާރުޖީޓީއެސް މެދުވެރިކޮށެވެ.

ކަސްޓަމްސް އިން ކުރި އިއުލާނެއްގައި ބުނީ ޑިޖިޓަލް ވަސީލަތްތައް މެދުވެރިކޮށް ދޭ މާލީ ހިދުމަތްތައް ކުރިއަރުވައި، ރާއްޖޭގެ އިގްތިސޯދުގައި ޗެކާއި ނަގުދު ފައިސާއަށް ބަރޯސާވާ މިންވަރު ކުޑަކުރުމަށް ދައުލަތުގެ އޮފީސްތަކުން ފައިސާ ބަލައިގަތުމުގައި ޑިޖިޓަލް، އިލެކްޓްރޯނިކް ވަސީލަތްތައް މެދުވެރިކޮށް ފައިސާ ބަލައިގަތުމަށް މިނިސްޓްރީ އޮފް ފިނޭންސް އިން އަންގާފައިވާ ކަމަށެވެ.

advertisement

އޮކްޓޯބަރު މަހުގެ 1 ވަނަ ދުވަހުން ފެށިގެން ކަސްޓަމްސް އިން ފައިސާ ބަލައިގަންނާނީ ޕޯޓަލް މެދުވެރިކޮށް ކަމަށާއި ޕޯޓަލް މެދުވެރިކޮށް ދައްކާ ފައިސާގެ ރަސީދު ކަސްޓަމްސް ޕޯޓަލް އިން ފެންނަންހުންނާނެ ކަމަށް ކަސްޓަމްސް އިން ބުންޏެވެ. އަދި އެމްއާރުޓީޖީއެސް ހެދުމަށް އެދޭ ފޯމް ކަސްޓަމްސްގެ ވެބްސައިޓުން ލިބޭނެ ކަމަށް ކަސްޓަމްސް އިން ބުންޏެވެ.

މިއާއެކު ކޮވިޑް-19 އާއި ގުޅިގެން ފައިސާ ދެއްކުމަށް ބޭނުންކުރަމުން ގެންދިޔަ ބޭންކް ޓްރާންސްފާގެ ހިދުމަތް އޮކްޓޯބަރު އެއް ވަނަ ދުވަހުން ފެށިގެން ބޭނުންކުރުން ހުއްޓާލެވޭނެ ކަމަށްވެސް ކަސްޓަމްސް އިން ވަނީ ބުނެފައެވެ.