މާލެ ސަރަހައްދުގެ ސުކޫލްތަކުގައި ގްރޭޑް 9 އިން 12 އަށް އަންނަ މަހު ކިޔަވައިދޭން ފަށަނީ.

މާލެ ސަރަހައްދުގެ ސްކޫލުތައް އަންނަ މަހު ހުޅުވައި ގްރޭޑް 9-12 އަށް ކިޔަވައިދޭން އެޑިއުކޭޝަން މިނިސްޓްރީން ނިންމަވައިފިއެވެ.

ކޯވިޑް19 ގެ ރާއްޖޭގެ މިހަރުގެ ހާލަތައް ބަލައި އެޗްޕީއޭގެ ލަފައާއިއެކު މާލެ ހުޅުމާލެ އަދި ވިލިމާލޭގެ ސްކޫލްތަކުގައި އަންނަ މަހުގެ 4 ވަނަ ދުވަހުން ފެށިގެން ކިޔަވައިދޭން ފަށާނެކަމަށް އެޑިޔުކޭޝަން މިނިސްޓްރީން ވިދާޅުވެއެވެ. ސްކޫލްތައް ހުޅުވާލިނަމަވެސް އަދި ކިޔަވައިދޭން ފަށާނީ ކީ ސްޖޭޖް 4 އަދި 5 ގެ ދަރިވަރުންނަށެވެ. އެއީ ގްރޭޑް 9 އިން 12 އަށެވެ. އެހެން ގްރޭޑުތަކަށް ކިޔަވައިދޭނީ މިހާރު ވެސް ކުރިއަށް ދާ ގޮތަށް އޮންލައިންކޮށްކަމަށް އެޑިޔުކޭޝަން މިނިސްޓްރީން ވަނީ ވިދާޅުވެފައެވެ.

advertisement

މާލެ ސަރަހައްދުގެ ސްކޫލްތައް ބަންދުކުރިނަމަވެސް ރާއްޖޭގެ އެހެން ހިސާބުތަކުގައި މިހާރުވެސް އަންނަނީ ސްކޫލްތައް ހުޅުވައި ކިޔަވާދެމުންނެވެ.

ކޯވިޑް19 ފެތުރެން ފެށުމުގެ ސަބަބުން މާލެ ސަރަހައްދުގެ ސްކޫލްތައް މާރޗް މަހުގެ ތެރޭގައި ވަނީ ބަންދުކޮށްފައެވެ. ނަމަވެސް ޖުލައިމަހުގެ ތެރޭގައި ގްރޭޑް 9 އިން 12 އަށް އަލުން ކިޔަވައިދޭން ވަނީ ފަށާފައެވެ. ކޯވިޑްގެ ހާލަތު ގޯސްވުމުން އަނެއްކާވެސް މިދިޔަ މަހު ވަނީ ސްކޫލްތައް ބަންދުކޮށްފައެވެ.