ސްވިޒަލޭންޑްގެ އެޑެލްވެއިސްގެ ޑައިރެކްޓް ފްލައިޓްތައް އަލުން ފަށައިފި

ކޮވިޑް-19 ފެތުރެން ފެށުމާ ގުޅިގެން މެދުކަނޑާލާފައި އޮތް ސްވިޒަލޭންޑްގެ އެޑެލްވެއިސް އެއާލައިންގެ ދަތުރުތައް އަލުން ރާއްޖެ އަށް ފަށައިފިއެވެ.

މިއަދު އަލުން ދަތުރުތައް ފެށިއިރު ސްވިޒަލޭންޑްގެ ޒިއުރިކުން ވެލާނާ އިންޓަނޭޝަނަލް އެއާޕޯޓަށް ހަފުތާއަކު ދެ ދަތުރުު ކުރުމަށް ވަނީ ތާވަލްކޮށްފައެވެ.

advertisement

ގިނަ އަދަދެއްގެ ފަތުރުވެރިން ސްވިޒަލޭންޑުން ރާއްޖެ އަންނަ އިރު ފްލައިޓްތައް އަލުން ފެށުމުން ކުރިއަށް ވުރެ އިތުރުވެގެންދާނެ ކަމަށް ބެލެވެއެވެ.

ކޮވިޑް-19ގެ ސަބަބުން ރާއްޖޭގެ ބޯޑަރު ބަންދުކުރުމުން ދަތުރުތައް ހުއްޓައިލި އެއާލައިންތަކުން މިހާރު އަންނަނީ އަލުން ދަތުރުތައް ފަށަމުންނެވެ. އެ ގޮތުން ޖުލައި 15ގައި ބޯޑަރު ހުޅުވާލި އިރާ އަޅާބަލާއިރު ވެލާނާ އިންޓަނޭޝަނަލް އެއާޕޯޓް މިހާރު ވަނީ ހަލަބޮލިވާން ފަށަފައެވެ. އެ ގޮތުން ފްލައިޓްތައް އިތުރުވެ، ދަތުރުވެރިން އަންނަ މިންވަރު ވެސް އަންނަނީ އިތުރުވަމުންނެވެ. އަދި ގައުމީ އެއާލައިން މޯލްޑިވިއަންގެ ބައިނަލްއަގުވާމީ ދަތުރުތައް ވެސް މަޑުމަޑުން އަންނަނީ އިތުރުކުރަމުންނެވެ.

މި އަހަރުގެ މިހާތަނަށް 399،252 ފަތުރުވެރިން ރާއްޖެ އައިސްފައިވާ އިރު ޖުލައި 15ގައި ބޯޑަރު ހުޅުވާލި ފަހުން މިމަހުގެ 1 އިން 23 ގެ ނިޔަލަށް ޖުމްލަ 7،076 ފަތުރުވެރިން ވަނީ ރާއްޖެ އައިސްފައެވެ.