މޯލްޑިވިއަންއިން އައްޑޫގައި ސީޕްލޭންގެ ޙިދުމަތް ފަށަނީ

މޯލްޑިވިއަންއިން އައްޑޫ އިންޓަނޭޝަނަލް އެއަރޕޯޓްގައި ސީޕްލޭންގެ ޙިދުމަތްފެށުމަށް ތައްޔާރުވެއްޖެއެވެ.

އައްޑޫ އިންޓަނޭޝަނަލް އެއަރޕޯޓުން ވިދާޅުވީ، މިކަމާއި ގުޅޭ އެއްބަސްވުމުގައި މޯލްޑިވިއަނާއިއެކު ސޮއެކުރުމަށް ތައްޔާރުވެފައިވާކަމަށެވެ. މި ދަތުރުތައް ފެށުމާއެކު މޯލްޑިވިއަންގެ ސީޕްލޭން ހިދުމަތުން ހުވަދު އަތޮޅާ ގުޅާލާނެ އެވެ. މި ދަތުރުތައް ރަސްމީކޮށް ފަށާނީ އަންނަ މަހުގައިކަމަށް މައުލޫމާތުލިބެއެވެ.

advertisement

މޯލްޑިވިއަން އަން އިން ދާދިފަހުން ވަނީ އައްޑު އާއި ހުވަދު އަތޮޅާ ދެމެދު ކަނެކްޝަން ފްލައިޓުތަކެއް ވެސް ފަށާފަ އެވެ. މީގެ ބޭނުމަކީ ބޮޑު ދެ އަތޮޅުގެ މެދުގައި އިގްތިސޯދީ ހަރަކާތްތައް އިތުރު ކުރުމެވެ.

އޭއައިއޭ އިން ގަމުގެ ސީ ޕްލޭން އޮޕަރޭޝަން ޓީއެމްއޭއާ ހަވާލުކުރުމުގެ އެއްބަސްވުމުގައި ސޮއިކުރީ 2016 ވަނަ އަހަރުގެ ނޮވެމްބަރު މަހުގެ ތެރޭގައެވެ. އޭރު އޮޕަރޭޝަން ފަށާފައިވަނީ ހުވަދު އަތޮޅުގެ ރިސޯޓުތަކަށް 15 މީހުންގެ ޖާގައިގެ އެއް ބޯޓާއި އެކުއެވެ. ނަމަވެސް ސީޕްލޭން ޚިދުމަތް ދެމެހެއްޓެނިވި ގޮތެއްގައި ކުރިއަށް ނުގެންދެވި ވަނީ ހުއްޓިފައެވެ.