ލުފްތަންސާ އެއާލައިނުން އަންނަ އަހަރު ރާއްޖެ އަށް އަލުން ދަތުރުތައް ފަށަނީ

ލުފްތަންސާ އެއާލައިނުން އަންނަ އަހަރު ރާއްޖެ އަށް އަލުން ދަތުރު ފަށާނެ ކަމަށް އެ އެއާލައިނުން ބުނެފި އެވެ.

ލުފްތަންސާ އެއާލައިނުން ބުނި ގޮތުގައި އަންނަ އަހަރުގެ މެދުތެރޭގައި ރާއްޖެ އަށް ދަތުރުތައް ފަށާއިރު، ހަފުތާއަކު ދެ ފްލައިޓް ރާއްޖެ އަށް ބާއްވާނެ އެވެ.

advertisement

މި ދަތުރުތަކުގެ ޓިކެޓްވެސް މިހާރު އެ އެއަރލައިނުން ވަނީ ވިއްކަން ފަށާފަ އެވެ. މި ދަތުރުކުރާނީ ފްރެންކްފަޓުން ރާއްޖެ އަށެވެ.

ލުފްތަންސާ އިން އެންމެ ފުރަތަމަ ރާއްޖެ އަށް ދަތުރުތައް ފަށާފައިވަނީ 2015 ވަނަ އަހަރު އެވެ. ނަމަވެސް ކޮވިޑް-19 އާ ގުޅިގެން އެ އެއާލައިނުން ވަނީ ދަތުރުތައް މެދުކަނޑާލާފަ އެވެ.

ޖަރުމަނުވިލާތް ހިމެނެނީ ރާއްޖެއަށް އެންމެ ގިނައިން ޓޫރިސްޓުން އަންނަ އެއް ގައުމުގެ ތެރޭގައެވެ. ޖުލައިމަހުގެ 15 ވަނަ ދުވަހު ރާއްޖޭގެ ބޯޑަރު އަލުން ހުޅުވާލުމާއިއެކު ގިނަ އަދަދެއްގެ އެއަރލައިންތަކަކުން މިހާރު ވަނީ ރާއްޖެއަށް ދަތުރުތައް ފަށާފައެވެ.