މަޖިލީހުގެ ރައީސްއާ ބައްދަލުކުރެއްުމަށް ފަހު ރައީސް ވިދާޅުވީ މިސްރާބު ރަނގަޅު ކަމަށް!

ރާއްޖޭގެ ކުރީގެ ރައީސް އަދި މިހާރު މަޖިލީހުގެ ރައީސް މުހައްމަދު ނަޝީދާއި ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ބައްދަލުކުރައްވައިފިއެވެ.

ބުދަ ދުވަހު މުލިއާ ގޭގައި ބައްދައްލުކުރެއްވުމަށް ފަހު ރައީސް ސޯލިހް ކުރެއްވި ޓްވީޓެއްގައި ވިދާޅުވީ މި ބައްދަލުކުރެއްވުމުގައި ގިނަ ކަންތައްތަކަކާ ބެހޭ ގޮތުން މަޝްވަރާކުރެއްވި ކަމަށެވެ. އޭގެ ތެރޭގައި ކޮވިޑް -19 އާއި އިގްތިސާދީ ދަތިކަމުން އަރައިގަތުމަށް ސަރުކާރާއި މަޖިލިސް އެކީގައި މަސައްކަތްކުރުން މުހިންމު ކަމަށެވެ.

advertisement

“ﷲގެ އިރާދަފުޅާ އެކު އަޅުގަނޑުމެން ކުރިއަށް ދާނީ ރަނގަޅު މިސްރާބަށް” ރައީސްގެ ޓްވީޓްގައި ވިދާޅުވެފައި ވެއެވެ.

އެ ޓްވިޓާ ގުޅިގެން ރައީސް ނަޝީދު ވެސް ވަނީ ޓްވީޓެއް ކުރައްވާފައެވެ. އެމަނިކުފާނު ވިދާޅުވީ ރާއްޖެ ސަލާމަތުގެ އައްސޭރިއަށް ގެނެވޭނެ ކަމަށާއި ރައްޔިތުންނަށް ހެޔޮ ގޮތް ހޯދައިދެވޭނެ ކަމަށެވެ.

“ﷲގެ އިރާދަފުޅުން އަޅުގަނޑުމެންގެ މި އޮޑިއެއް ނުފެތޭނެ، އަޅުގަނޑުމެންނަށް ސަލާމަތުގެ އައްސޭރި އަށް ގެނެވޭނެ، ރައްޔިތުންނަށް ހެޔޮ ގޮތް ހޯދައިދެވޭނެ،” ރައީސް ނަޝީދު ވިދާޅުވެފައި ވެއެވެ.