މޯލްޑިވިއަނުން ޑާކާއަށް ކުރާ ދަތުރުތައް އިތުރުކޮށްފި
8 އޮކްޓޯބަރ 2020 - 13:54
މޯލްޑިވިއަނުން ބަންގްލަދޭޝްގެ ޑާކާއަށް ކުރާ ދަތުރުތައް
އިތުރުކޮށްފިއެވެ.
މޯލްޑިވިއަންއިން ބުނީ އެ އެއަރލައިނުން ޑާކާއަށް ކުރާ ދަތުރުތައް ހަފްތާއަކު
3 ދަތުރަށް އިތުރުކޮށްފައިވާކަމަށެވެ. އެއީ ހަފްތާގެ އާދިއްތަ، އަންގާރަ އަދި
ހުކުރު ދުވަހުއެވެ. މިހާރު އެ އެއަރލައިނުން ދަތުރުކުރަމުން އަންނަނީ ހަފްތާއަކު 1
ފަހަރުއެވެ.
ބަންގްލަދޭޝްގެ ޑާކާއަށް މޯލްޑިވިއަނުން ދަތުރުތައްފެށީ އޮގަސްޓް 4 ވަނަ
ދުވަހުއެވެ. މިއީ ކޯވިޑް19 އަށްފަހު
މޯލްޑިވިއަންގެ ބައިނަލްއަޤްވާމީ ދަތުރުތައް ހުއްޓާލާފައި އޮތުމަށްފަހު އެ
ކުންފުނިން ދަތުރުތައް ފެށި ފުރަތަމަ މަންޒިލްއެވެ.
މޯލްޑިވިއަންގެ ޑާކާ ދަތުރުތަކުގެ އެއްކޮޅު ޓިކެޓްގެ އަގަކީ 433 ޑޮލަރެވެ.
މޯލްޑިވިއަންއިން ބުނީ ދަތުރުކުރާ ހުރިހާ ފަސިންޖަރުންވެސް ފުލައިޓް ފުރުމުގެ 72
ގަޑިއިރު ކުރިން ކޯވިޑް19 އަށް ނެގެޓިވްކަން އަންގައިދޭ ސެޓްފިކެޓެއް
ގެންނަންޖެހޭނެކަމަށެވެ. އަދި މި ސެޓްފިކެޓް ވާންވާނީ ސަރުކާރުން ހުއްދަ ދީފައިވާ
ހެލްތް ސެންޓަރަކުން ހައްދާފައިވާ ސެޓްފިކެޓަކަށްކަމަށްވެސް މޯލްޑިވިއަންއިން
ބުނެއެވެ.
advertisement
ރިއެކްޝަންސް