މުންބާއީ އާއި ރާއްޖެއާއި ދެމެދު އިންޑިގޯއިން ޝެޑިއުލް ދަތުރުތައް ފަށައިފި

އިންޑިއާގެ މުމްބާއީއާއި ރާއްޖެއާއި ދެމެދު އިންޑިގޯއިން ޝެޑިއުލް ދަތުރުތައް ފަށައިފިއެވެ.

ކޯވިޑް-19 ގެ ސަބަބުން އިންޑިގޯ އެއަރލައިން ރާއްޖެއަށް ކުރަމުންއައި ދަތުރުތައް އަލުން ފަށާފައިވަނީ ސެޕްޓެމްބަރުމަހުގެ 3 ވަނަ ދުވަހުއެވެ. ދަތުރު ފެށުމާއިއެކު އެ އެއަރލައިނުން ދަތުރުކުރަމުންއައީ އިންޑިއާގެ ކޮޗިން އާއި ރާއްޖެއާއި ދެމެދުއެވެ. ނަމަވެސް މިހާރު މުންބާއީއިން ރާއްޖެއަށް އެ އެއަރލައިންގެ ދަތުރުކުރުމަށް ވަނީ ހަމަޖެހިފައެވެ.

advertisement

މުމްބާއީއާ ރާއްޖެއާ ޝެޑިއުލް ދަތުތައް ފަށާއިރު ހަފްތާއަކު ދެ ދަތުރު ކުރުމަށް އިންޑިގޯއިން ވަނީ ނިންމާފައެވެ. އެއީ ބުރާސްފަތި އަދި އާދީއްތަ ދުވަހުއެވެ. އިންޑިގޯއިން މިހަރު އަންނަނީ ކޮޗިންއާއި ވެލާނާ އިންޓަރނޭޝަނަލް އެއަރޕޯޓާއި ދެމެދު ހަފްތާއަކު ތިން ދަތުރުކުރަމުންނެވެ.

އިންޑިގޯއިން ރާއްޖެއަށް ޝެޑިއުލް ދަތުރުތައް ފުރަތަމަ ފަށާފައިވަނީ 2018 ވަނަ އަހަރުގެ ތެރޭގައެވެ. ކޯވިޑް19 ގެ ކުރިން އެ އެއަރލައިނުން މުމްބާއީ، ކޮޗިން އަދި ބެންގަލޫރުއާއި ރާއްޖެއަށ އައީ ޝެޑިއުލް ދަތުރުތައް ބާއްވަމުންނެވެ.