2021 ވަނަ އަހަރަށް އެމްސެވަންއިން ނެރުނީ ދިވެހިވަންތަ ކަލަންޑަރެއް

އެމްސެވަން ޕްރިންޓް އިން ދިވެހިވަންތަ ކަލަންޑަރެއް 2021 ވަނަ އަހަރަށް ނެރެފިއެވެ.

ކަލަންޑަރު ޑިޒައިން ކުރިއިރު، ބަހާފައިވަނީ މައިގަނޑު ތިން ބަޔަކަށެވެ. އެއީ އިސްލާމީ މަރުކަޒުގެ އާކް އާއި ދިވެހި ލިޔެލާޖެހުމުގެ ކުރެހުންތަކަށް އަދި ހިރިގަލުގެ ކުރެހުންތައް ރަމްޒުކޮށްދޭގޮތަށެވެ.

advertisement

މި ކަލަންޑަރު ފަރުމާ ކޮށްފައިވަނީ ދިވެހި ބަހުން ލިޔެފައިވާ ޙިކުމަތުގެ ބަހާއި، ނަމާދު ވަގުތާއި މީލާދީ އަދި ޙިޖުރީ ތާރީޚާއި ނަކަތާއި ސަރުކާރު ބަންދު ދުވަސްތައް އަދި މުހިންމު ތާރީޚުތައް އެނގޭ ގޮތަށެވެ.

އެމްސެވަން ޕްރިންޓުން ބުނީ މި ކަލަންޑަރުން ދިވެހި ތަރިކަ އާއި ފަންނުވެރިކަން ފުރިހަމައަށް ދައްކުވައިދީފައިވާނެކަމަށެވެ. މި ކަލަންޑަރުގައި އަލަށް ތައާރަފު ކުރާ 12 ވައްތަރެއްގެ ދިވެހި ފޮންޓު ވެސް ވަނީ ހިމަނާފައެވެ. މި 12 ފޮންޓުން، ކޮންމެ މަހަކަށް ބާރަ ނަސޭހަތުގެ ބަސް ވަނީ ހިމަނާފައެވެ.

އެމްސެވަންއިން 2021 ވަނަ އަހަރަށް ނެރޭ މި ކަލަންޑަރުން ދިވެހި ތަރިކައަށް ވަރަށް ބޮޑު އަހަންމިއްޔަތެއް ދީފައިވާނެކަމަށް އެ ކުންފުނިން ބުނެއެވެ. އެގޮތުން މި ކަލަންޑަރުން ފަންނުވެރިންނަށް އެމީހުންގެ މަސައްކަތް އެކި ވަސީލަތްތައް މެދުވެރިކޮށް ދެއްކޭނެކަން ސާބިތުކޮށްދީފައިވާނެކަމަށް އެމްސެވަންއިން ބުނެއެވެ.

އެމްސެވަން ޕްރިންޓުގެ މި ދިވެހިވަންތަ ކަލަންޑަރުގެ އަގަކީ 28 ރުފިޔާއެވެ. މި ކަލަންޑަރު އެހެން ފަރާތަކަށް ހަދިޔާ ކުރެއްވުމަށް ބޭނުންވާނަމަ، ލިޔެލާޖެހި ކުރެހުން ދައްކުވައިދޭ ގޮތަށް ފަރުމާކޮށްފައިވާ ފޮއްޓެއްގައި ބަންދު ކޮށްފައި ދޭނެ ކަމަށް އެ ކުންފުނިން ބުނެއެވެ.