ޚަބަރު

ކުދި ވިޔަފާރިތަކަށް އެހީވުމަށް މާލޭގައި “ވީކެންޑް މާކެޓް” އެއް ބާއްވަނީ

19 އޮކްޓޯބަރ 2020 - 18:18

ކުދި ވިޔަފާރިތަކަށް އެހީވުމުގެ ގޮތުން މާލޭގައި “ވީކެންޑް މާކެޓް” އެއް ބާއްވަން މާލެ ސިޓީ ކައުންސިލުން ތައްޔާރުވެއްޖެއެވެ.

މާލޭ ސިޓީގެ މޭޔަރު ޝިފާ މުހައްމަދު ވިދާޅުވީ ކޮވިޑް-19ގެ ސަބަބުން އަމިއްލަ މަސައްކަތް ކޮށްގެން އާމްދަނީ ހޯދާ ގިނަ ބަޔަކަށް ވަރަށް ބޮޑަށް ނޭދެވޭ އަސަރު ކޮށްފައިވާ ކަމަށެވެ. އެހެންވެ އެފަދަ މީހުންނަށް އެހީވެ، އަމިއްލަ އަށް އުފައްދާ ތަކެތި ވިއްކުމަށް ޕްލެޓްފޯމެއް ދިނުމަށް މަސައްކަތް ކުރަމުން އަންނަކަމަށެވެ. 

advertisement

މި މާކެޓު ބާއްވާނީ މާލެ އިންޑަސްޓްރިއަލް ޒޯންގައެވެ. ސިޓީ ކައުންސިލުން އަންނަނީ މިހާރު މާކެޓު ބޭއްވުމަށް ވާންޖެހޭ ތައްޔާރީތައް ވަމުންނެވެ. އެގޮތުން އިންޑަސްޓްރިއަލް ވިލެޖު ސަރަޙައްދުން މިކަމަށް ބިމެއް ކަނޑައަޅައި، ބިން ތައްޔާރުކުރުމުގެ މަސައްކަތް ކައުންސިލުން މިހާރު އަންނަނީ ކުރަމުންނެވެ.  މި މާކެޓް ޚާއްސަކުރަނީ އަންހެނުންނާއި ގޭގައި ތިބެގެން އާމްދަނީ ހޯދުމަށް ކުދި ވިޔަފާރިކުރާ ވިޔަފާރިވެރިންނަށެވެ.

މާލޭ އިތުރުން ވިލިމާލޭގައިވެސް ކުދި ވިޔަފާރިތައް ކުރާ ފަރާތްތަކަށް ގޮތްތަކެއް ހޯދައިދިނުމަށް މަސައްކަތް ކުރަމުންދާކަމަށް ސިޓީ ކައުންސިލުން ވިދާޅުވެއެވެ. އެގޮތުން މިވަގުތު ވިލިނގިލީގެ ރައްޔިތުންނަށް އޮތް އެންމެ ބޮޑު ދަތިކަމަކީ ބައެއް ކަހަލަ ކުދި ވިޔަފާރިތައް ކުރާނެ ޖާގަ ނެތުމެވެ.

ރިއެކްޝަންސް
0
0
0
0
0
0
0