29 ގެސްޓްހައުސްއެއް ހުޅުވުމުގެ ހުއްދަ ޓޫރިޒަމް މިނިސްޓްރީން ދީފި

29 ގެސްޓުހައުސްއެއް ހުޅުވުމުގެ ހުއްދި ދީފައިވާކަމަށް ދީފައިވާކަމަށް ޓޫރިޒަމް މިނިސްޓްރީން ވިދާޅުވެއްޖެއެވެ.

ޓޫރިޒަމް މިނިސްޓްރީން އާއްމުކޮށްފައިވާ ތަފާސްހިސާބުތައް ދައްކާގޮތުން މިމަހުގެ 18ވަނަ ދުވަހާއި ހަމައަށް ރާއްޖޭގެ ހަތަރު އަތޮޅަކުން ނުވަ ރަށެއްގައި ހިންގާ 29 ގެސްޓުހައުސްއެއް އަލުން ހުޅުވުމުގެ ހުއްދަ ވަނީ ދޫކޮށްފައެވެ. 

ގެސްޓްހައުސް ހުޅުވުމުގެ ހުއްދަ ޓޫރިޒަމް މިނިސްޓްރީން ދީފައިވާ ރަށްތަކުގެ ތެރޭގައި ހިމެނެނީ ނ. ފޮއްދޫ، ކ. ހުރާ، ކ. މާފުށި، ކ. ގުރައިދޫ، އއ. މަތިވެރި، އއ. އުކުޅަސް، އއ. ތޮއްޑޫ، ވ.ތިނަދޫ އަދި ވ. ފުލިދޫ އެވެ.

advertisement

މިތަނުން ގިނަ ރަށްރަށުގެ ގެސްޓްހައުސްތަކަށް މިހާރު ފަތުރުވެރިންވެސް ވަނީ އައިސްފައެވެ. ކޯވިޑް19 ގެ ސަބަބުން ގެސްޓްހައުސްތައް ބަންދުކޮށްފައިވަނީ މިދިޔަ މާރިޗުމަހުގެ 17 ވަނަ ދުވަހުއެވެ. އަދި އަލުން ގެސްޓްހައުސް ސިނާއަތް ހުޅުވާލާފައިވަނީ މިމަހުގެ 15 ވަނަ ދުވަހުއެވެ.

ޓޫރިޒަމް މިނިސްޓްރީން ގެސްޓްހައުސްތައް ހުޅުވައި ޙިދުމަތް ދިނުމުގެ ހުއްދަ ރަށްރަށައް އަދި ގެސްޓްހައުސްތަކަށްވެސް ދެނީ ވަކި ކަންކަމަކަށް ބެލުމަށްފަހުގައެވެ. އެގޮތުން ގެސްޓްހައުސް ހިންގުމުގެ ހުއްދަ ރަށަކަށް ދޭއިރު އެރަށެއްގައި ކަރަންޓީ އަދި އައިސޮލޭޝަން ފެސިލިޓީގެ އިންތިޒާމްތަކާއި، ޞިއްޙީގޮތުން ފުރިހަމަކުރަންޖެހޭ ކަންކަން ފުރިހަމަކޮށްފައިވާކަން އެ ރަށެއްގެ ކައުންސިލުން މިނިސްޓްރީއަށް ކަށަވަރުކޮށްދޭންޖެހެއެވެ. އަދި އެތަނެއް ހުޅުވުމުގައި ކައުންސިލުގެ އެއްވެސް އިއުތިރާޒެއްނެތްކަމަށް މިނިސްޓްރީއަށް އެންގުމުން، ވަކިވަކި ގެސްޓް ހައުސްތަކުން ހުށަހަޅާ އެސް.އޯ.ޕީތަކަށް ބެލުމަށްފަހު، ހުޅުވުމުގެ ހުއްދަ ޓޫރިޒަމް މިނިސްޓްރީން ދަނީ ދެމުންނެވެ