ހެލްތް މިނިސްޓަރ އަބްދުﷲ އަމީން އިސްތިއުފާ ދެއްވައިފި

21 އޮކްޓޯބަރ 2020 - 10:39

ހެލްތު މިނިސްޓަރު އަބްދުﷲ އަމީން، މަގާމުން އިސްތިއުފާ ދެއްވައިފި އެވެ. އަމީން އިސްތިއުފާ ދެއްވާފައިވަނީ ރޭގެ ވަގުތެއްގައެވެ. އަމީން އިސްތިއުފާ ދެއްވިކަމުގެ ސިޓީ ވަނީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހްއަށް ފޮނުވާފައެވެ.

އޭނާ އިސްތިއުފާ ދެއްވިއިރު، އެމްޑީޕީގެ 24 މެމްބަރެއްގެ ސޮޔާއެކު، މަގާމުން ދުރުކުރުމުގެ މައްސަލަ ރައްޔިތުންގެ މަޖިލީހަށް ވަނީ ވައްދައިފަ އެވެ.

advertisement

އަމީން އިސްތިއުފާ ދެއްވާފައިވަނީ ދުބާއީގެ ކުންފުންޏަކާ ޙަވާލުކޮށްގެން ރާއްޖެ ގެންނަން ނިންމި 75 ވެންޓިލޭޓަރުގެ މައްސަލަ ހޫނުވެފައިވަނިކޮށްނެވެ. އިސްތިއުފާ ދެއްވިއިރުވެސް އަމީން ހުންނެވީ މި މައްސަލަ ތަހުޤީގުކުރުމަށް ޖާގަ ދެއްވުމަށްޓަކައި އަމިއްލަ އަށް މަސްއޫލިއްޔަތުތަކުން އެކަހެރިވެވަޑައިގެންނެވެ.

އިސްތިއުފާގެ ސިޓީގައި އަމީން ވިދާޅުވި ގޮތުގައި، ކޮވިޑުން ރައްކާތެރިވުމަށް ރާއްޖޭގައި ކޮށްފައި ވަނީ ތައުރީފު ހައްގު މަސައްކަތެކެވެ. އަމީން އިސްތިއުފާ ދެއްވީ މިވަގުތު އެންމެ ރަނގަޅު ގޮތަކީ އެއީ ކަމުގައި ވާތީކަމަށް ވަނީ ވިދާޅުވެފައެވެ.

ރިއެކްޝަންސް
0
0
0
0
0
0
0