ރިވައިޒްޑް ކިޔޯޓޯ ކޮންވެންޝަން ގައި ރާއްޖެއިން ބައިވެރިވެއްޖެ

އިންޓަނޭޝަނަލް އޮން ދަ ސިމްޕްލިފިކޭޝަން އެންޑް ހާމަނައިޒޭޝަން އޮފް ކަސްޓަމްސް ޕްރޮސީޖަރސް” ނުވަތަ “ރިވައިޒްޑް ކިޔޯޓޯ ކޮންވެންޝަން” (އާރުކޭސީ) ގައި ރާއްޖެއިން ބައިވެރިވެއްޖެއެވެ. އާރުކޭސީއަކީ ދުނިޔޭގެ އެކި ޤައުމުތަކުގެ ކަސްޓަމްސްގެ އިޖުރާއާތުތައް ފަސޭހަކޮށް އެއްގޮތްކުރުމާއިގުޅޭ މުއާހަދާއެކެވެ.

މި މުއާހަދާގައި ރާއްޖެއިން ބައިވެރިވެފައިވަނީ ބެލްޖިއަމްގެ ސްރަސަލްސްގައި ހުންނަ ދުނިޔޭގެ ކަސްޓަމްސް ޖަމިއްޔާގެ (ޑަބްލިއުސީއޯ) ގެ މައި އިދާރާގައި ބޭއްވި ރަސްމިއްޔާތެއްގައެވެ. ދިވެހިރާއްޖޭގެ ފަރާތުން ކޮންވެންޝަންގައި ބައިވެރިވުމުގެ ލިޔުން ޑަބްލިއުސީއޯގެ ސެކްރެޓަރީ ޖެނެރަލް ކުނިއޯ މިކްރިއާއަށް އެރުވީ ދިވެހިރާއްޖެއިން ބެލްޖިއަމްއަށް ކަނޑައަޅުއްވާފައިހުންނަވާ ސަފީރު ހަސަން ޞާބިރެވެ.

advertisement

އާރުކޭސީއަކީ ކަސްޓަމުން ފޯރުކޮށްދޭ ޙިދުމަތްތަކުގެ މައިގަނޑު އަސާސްތަކާއި ސްޓޭންޑާރޑްތައް ބަޔާންކުރާ ދުނިޔޭގެ ކަސްޓަމްސް ޖަމިއްޔާގެ މުއާހަދާއެކެވެ. އާރުކޭސީގެ މަޤްސަދަކީ ދޭދޭ ޤައުމުތަކުގެ ކަސްޓަމްސްތަކުގެ އުސޫލުތަކާއި މިންގަނޑުތައް ވީހާވެސް އެއްގޮތްކޮށް ލުއިފަސޭހަކޮށް، ކަސްޓަމްސް ކޮންޓްރޯލް ހަރުދަނާކުރެވޭނެ ގޮތުގެމަތިން ވިޔަފާރިއަށް ވީހާވެސް ބޮޑަށް ލުއިފަސޭހަކޮށްދިނުމެވެ.

މި މުއާހަދާއަކީ ބައިނަލްއަޤްވާމީ ބެސްޓް ޕްރެކްޓިސްގެ ގޮތުގައު ނަގާކިޔޭ މިންގަނޑެއްކަމުގައިވާއިރު މި މުއާހަދާގައި ސޮއިކުރުމުގެ ސަބަބުން ރާއްޖޭގެ ކަސްޓަމްސްގެ އުސޫލުތައްވެސް ބިނާވެފައިވާނީ އެހެން ޤައުމުތަކުގައިވެސް ބޭނުންކުރާ މިންގަނޑުތަކާއި އެއްގޮތައްކަމަށް ވެގެންދާނެއެވެ. އާރުކޭސީގެ ސްޓޭންޑަރޑްއެއްކަމަށްވާ ކަސްޓަމްސް ބިޒްނަސް ޕާޓްނަރޝިޕް، ޓްރާންސްޕެރަންސީ، އެޕީލް ޕްރޮސީޖަރގެ ސަބަބުން ދިވެހިރާއްޖެއަށް އަންނަ ފޮރިން އިންވެސްޓްމަންޓް އިތުރުކުރެވި ވާދަވެރި އިޤްތިސާދަކަށް ވެގެންދާނެއެވެ.