އައުޓްބައުންޑް ޓްރެވަލް ރޯޑްޝޯ ގައި ދިވެހިރާއްޖެއިން ބައިވެރިވެއްޖެ

މިއަދު ކުރިއަށްދިޔަ އައުޓްބައުންޑް ޓްރެވަލް ރޯޑްޝޯ )އޯ.ޓީ.އާރް( ގައި މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން )އެމް.އެމް.ޕީ.އާރް.ސީ(އިން ބައިވެރިވެއްޖެ އެވެ. ވާރޗުއަލް ރޯޑްޝޯއެއްގެ ގޮތުގައި ކުރިޔަށް ދިޔަ މިއިވެންޓް ގައި އެމް.އެމް.ޕީ.އާރު.ސީ އާއެކު ރާއްޖޭގެ ފަތުރުވެރިކަމުގެ ސިނާޢަތުގައި ޙަރަކާތްތެރިވާ ކުންފުނިތަކުން ވަނީ ބައިވެރިވެފައެވެ. މި އިވެންޓްގައި އިންޑިޔާ އާއި އެހެން މާކެޓްތަކުގެ ބީޓުބީ ކުންފުނިތަކުން ބައިވެރިވެ، އެ ފަރާތްތަކާ އެއްތަނަކުން ބައްދަލުވުމުގެ ފުރުސަތު ވަނީ ލިބިގެން ގޮސްފައެވެ.

advertisement

އެއް ދުވަހުގެ މުއްދަތަށް ކުރިއަށްދިޔަ މި ވާޗުއަލް ރޯޑްޝޯގައި އިންޑިއާގެ ޓްރެވަލް ޓްރޭޑްގެ ގިނަ ފަރާތްތަކަކާ އެއްތަނަކުން ބައްދަލުވުމުގެ ފުރުސަތު ލިބިގެން ގޮސްފައިވާރު، މިއީ ކޮވިޑް-19ގެ ސަބަބުން ފަތުރުވެރިކަމުގެ ސިނާޢަތް މަޑުޖެހިލާފައިވާ ދަނޑިވަޅެއްގައި ގިނަ ކުންފުނިތަކަކާއި އެއްތަނަކުން ބައްދަލުކުރުމަށް ލިބުނު މުހިންމު ފުރުސަތެކެވެ.އަދި އޯ.ޓީ.އާރް ޕްލެޓްފޯމްގައި އެޕޮއިންޓްމަންޓް ހެދިގެން ބައްދަލުވުންތައް ކުރިޔަށް ގެންދެވުނެއެވެ. މީގެ އިތުރުން ބައިވެރިވި ކޮންމެ ކުންފުންޏަކަށް ވަނީ ޕްރޮޑަކްޓް ޕްރެޒެންޓޭޝަން ދިނުމުގެ ފުރުސަތު ވެސް ލިބިގެން ގޮސްފަ އެވެ.

މިމަހު އެމް.އެމް.ޕީ.އާރު.ސީ އިން ދަނީ އިންޑިޔާގައި ގިނަ މާކެޓިން ޚަރަކާތްތަކެއް ކުރިޔަށް ގެންދަމުންނެވެ.މީގެ ތެރޭގައި މީޑިޔާ ފެމެލިއަރައިޒޭޝަން ޓްރިޕް , ރޭޑިޔޯ ކެންޕެއިން އަދި އިންޑިޔާގެ ވެޑިން އަދި ހަނީމޫނަށް ޚާއްސަ ކޮށްގެން ވެޑިންސުތުރާ އާއެކު ކުރިއަށް ގެންދާ ކެންޕެއިން ހިމެނެއެވެ. އަދި މިއީ ސާޓޭ ޖެން އެކްސްއަށް ފަހު އެމް.އެމް.ޕީ.އާރް.ސީއިން އިންޑިޔާ މާކެޓްގައި ބައިވެރިވި ދެވަނަ ވާރޗުއަލް އިވެންޓެވެ.

15 ޖުލައި ގައި ދިވެހިރާއްޖޭގެ ބޯޑަރު އަލުން ހުޅުވާލުމާއި އެކު ވިޒިޓް މޯލްޑިވްސް އިން ވަނީ ރީޑިސްކަވާރ މޯލްޑިވްސް ދަ ސަނީސައިޑް އޮފް ލައިފްގެ ނަމުގަ ގްލޯބަލް ކެންޕެއިނެއް ފަށާފައެވެ. މި ކެންޕެއިންގެ މައިގަނޑު މަޤްސަދަކީ ދިވެހިރާއްޖެ އިޝްތިހާރުކޮށް ފަތުރުވެރިންނަށް ރާއްޖެއަކީ ރައްކާތެރި މަންޒިލެއްގޮތުގައި ދައްކައިދީ އަދި ފަތުރުވެރިން ރާއްޖެ އައުމަށް ޝައުގުވެރި ކުރުމެވެ.މީގެ އިތުރުން ކޮވިޑް -19 އިން ރައްކާތެރިވުމުގެ ގޮތުން ރާއްޖެއިން އަޅާފައިވާ ހަރުދަނާ ފިޔަވަޅުތަކުގެ ސަބަބުންނާއި ދިވެހިރާއްޖެ ގުދުރަތީ ގޮތުން ވަކި ރަށްތަކެއްގެ ގޮތުގައި އުފެދިފައި އޮތް އޮތުމަކީ ފަތުރުވެރިންނަށް އެންމެ ރައްކާތެރި މަންޒިލެއްކަން އަންގައިދީ އިޝްތިހާރުކުރުމެވެ.

މިގޮތުން ތަފާތު މާކެޓިން ޚަރަކާތްތަކެއް ދަނީ ކުރިޔަށް ގެންދަމުންނެވެ. މީގެ ތެރޭގައި މިޑްލް އީސްޓް މާކެޓަށް ޚާއްސަ ކޮށްގެން ޑްނާޓާ އާއި އެކު ކުރިޔަށްގެންދާ ކެންޕެއިނާއި އިގިރޭސި ވިލާތުގައި ކުރިޔަށްގެންދާ އައުޓްޑޯ މާކެޓިން ކެންޕެއިނާއި އިޓަލީ ވިލާތުގައި ކުރިޔަށްދިޔަ ޓީ.ޓީ.ޖީ ރިމިނީ ގައި ދިވެހިރާއްޖެއިން ބައިވެރިވުމާއި އަދި ސީ.އެން.އެން. އާއި އެކު ކުރިއަށްދާ ކެންޕެއިނާއި, ޗައިނާގައި ކުރިއަށް ގެންދަމުންދާ ވެބިނާ ސީރީޒާއި ޖަރުމަނު ވިލާތައް ޚާއްސަކޮށްގެން އެފް.ވީ.ޑަބްލިޔު އާއި އެކު ކުރިޔަށްދާ ކެންޕެއިނާއި އަދި އިނގިރޭސިވިލާތައް ޚާއްސަ ކޮއްގެން ޓްރެވަލް ވީކްލީ މަޖައްލާއާ އެކު ކުރިއަށް ގެންދާ މާކެޓިން ޚަރަކާތްތައް ހިމެނެއެވެ.

މިއަހަރު ފެށުނުއިރު އިންޑިޔާ އަކީ ދެވަނަޔަށް އެންމެ ގިނަ އަދަދަކަށް ފަތުރުވެރިން ދިވެހިރާއްޖެ އަށް އަންނަމުން ދިޔަ ޤައުމެވެ. އިންޑިޔާ އާއި ރާއްޖޭގެ ދެމެދު ވެވުނު ޓްރެވަލް ބަބްލްސް ގެ އެއްބަސްވުމުގެ ސަބަބުން އިތުރު ފްލައިޓް ތައް އައުމުގެ މަގުވަނީ ފަހިވެފައެވެ.އަދި ދިވެހިރާއްޖޭގެ ބޯޑަރު އަލުން ހުޅުވާލުމާއި އެކު އިންޑިޔާ ވަނީ މިޑްލް އީސްޓް, ރަޝިޔާ ފަދަ ޤައުމު ތަކާއިއެކު ފޯކަސް މާކެޓެއްގެ ގޮތުގައި ވެފައެވެ.