ޚަބަރު

ސްވެނިއަރ ވިޔަފާރިކުރާ ފަރާތްތަކުން ރަޖިސްޓްރީވުމަށް ހުޅުވާލައިފި

27 އޮކްޓޯބަރ 2020 - 10:27

ސްވެނިއަރ ވިޔަފާރިކުރާ ފަރާތްތަކުން ރަޖިސްޓްރީކުރުމުގެ ފުރުސަތު ހުޅުވާލައިފިއެވެ.

މިނިސްޓްރީ އޮފް ޓޫރިޒަމްއިން ވިދާޅުވީ، ސްވެނިއަރ ވިޔަފާރިއަކީ ފަތުރުވެރިކަމާއި ގުޅުންހުރި ވިޔަފާރިތަކުގެ ތެރެއިން މުހިންމު ވިޔަފާރިއެއްކަމަށެވެ. އެހެންކަމުން ސްވެނިއަރ ފިހާރަތައް ހިންގާ ފަރާތްތަކަށް ފަތުރުވެރިކަމުގެ މަންފާ ލިބޭނެ މަގު ތަނަވަސްކުރުމަށް މިނިސްޓްރީން މަސައްކަތްކުރަމުންދާކަމަށެވެ. ފަތުރުވެރިންނަށް ސްވެނިއަރ ފިހާރަތަކުން ލިބޭ ޚިދުމަތްތައްވެސް ވީ އެންމެ ފުރިހަމަ ގޮތެއްގައި  ލިބިދިނުމަކީ ރާއްޖޭގެ ފަތުރުވެރިކަން ކުރިއެރުވުމަށް ލިބޭނެ ފުރުޞަތަކަށް ވާނެކަމަށް އެ މިނިސްޓްރީން ވަނީ ވިދާޅުވެފައެވެ.

advertisement

ޓޫރިޒަމް މިނިސްޓްރީން ސްވެނިއަރ ވިޔަފާރިކުރާ ފަރާތްތައް ރަޖިސްޓްރީކުރުމުގެ ފުރުސަތު މިހާރު ވަނީ ހުޅުވާލާފައެވެ. އަންނަ މަހުގެ 8 ވަނަ ދުވަހުގެ ކުރިން ސްވެނިއަރ ފިހާރަތައް ރަޖިސްޓްރީކުރުމަށް ކަނޑައަޅާފައިވާ ފޯމު ފުރުމަށްފަހު މިނިސްޓްރީއަށް މެއިލް ކުރުމަށް ޓޫރިޒަމް މިނިސްޓްރީން ވަނީ އެދިފައެވެ.

 ޓޫރިޒަމް މިނިސްޓްރީން ސްވެނިއަރ ވިޔަފާރިކުރާ ފަރާތްތަކުގެ ދަފްތަރެއް އެކުލަވާލަނީ ފަތުރުވެރިކަމާއި ސުވެނިއަރ ޝޮޕްތަކާއި ބޮޑަށް ގުޅުވާލުމުގެ ގޮތުންކަމަށް އެ މިނިސްޓްރީން ވިދާޅުވެއެވެ.

ރާއްޖޭގައި މިހާރުވެސް ގިނަ އަދަދެއްގެ ވިޔަފާރިތަކަކުން އަންނަނީ ސްވެނިއަރ ތަކެތި ވިއްކުމުގައި ހަރަކާތްތެރިވަމުންނެވެ. ނަމަވެސް މި ވިޔަފާރިތައް ޕްރޮމޯޓްކުރުމަށް އެދެވޭ މަސައްކަތްތަކެއް މީގެކުރިން ކުރެވިފައެއް ނުވެއެވެ. 

ރިއެކްޝަންސް
0
0
0
0
0
0
0