އިންޑިޔާގެ ޕްރައިމް މިނިސްޓަރ މޯދީގެ ދަތުރުފުޅަށް ޤައުމީ އެއަރލައިންގެ ސީޕްލޭންއެއް ޗާރޓަރ ކުރުމަކީ ދެގައުމުން އެއްގައުމު އަނެއްގައުމަށް ކުރާ އިހްތިރާމުގެ ރަމްޒެއް- ރިޒްވީ

އިންޑިޔާގެ ޕްރައިމް މިނިސްޓަރ ނަރެންދުރަ މޯދީގެ ޚާއްސަ ދަތުރުފުޅަކަށް ޤައުމީ އެއަރލައިން މޯލްޑިވިއަންގެ ސީޕްލޭނެއް ޗާރޓަރ ކުރުމަކީ އިންޑިޔާ އާއި ރާއްޖެއިން އެއްގައުމު އަނެއްގައުމަށް ކުރާ އިޙްތިރާމް ރަމްޒުކޮށްދޭ ކަމެއްކަމަށް ޤައުމީ އެއަރލައިން މޯލްޑިވިއަން ހިންގަމުން އަންނަ ކުންފުނި އައިލެންޑް އޭވިއޭޝަން ޕްރައިވެޓް ލިމިޓެޑުގެ މެނޭޖިން ޑީރެކްޓަރ މުޙައްމަދު ރިޒްވީ ވިދާޅުވެއްޖެއެވެ.

އިންޑިޔާގެ ސްޕައިސް ޖެޓް ކުންފުނިން ވޯދީގެ ދަތުރުފުޅަކަށް ޤައުމީ އެއަރލައިން މޯލްޑިވިއަންގެ ބޯޓެއް ޗާރޓަރކުރި ކުރުމަށް އިޝާރާތް ކުރައްވާ ރިޒްވީ ވިދާޅުވީ، އިންޑިޔާއިން ބޭނުން ނަމަ ދުނިޔޭގެ ކޮންމެ ގައުމަކުންވެސް ސީޕްލޭން ޗާރޓަރ ކުރެވޭނެކަމަށާއި، ސީޕްލޭންގެ ހިދުމަތް ދެމުންގެންދާ އެތަށްގައުމެއް އޮތްނަމަވެސް އަވައްޓެރި އިންޑިޔާއިން ދިވެހިރާއްޖޭގެ ޤައުމީ އެއަރލައިން އިހްތިޔާރުކުރިކަމީ ދިވެހިންނަށް ލިބިގެން ދިޔަ ފަހުރަކާއި ޝަރަފެއްކަމަށެވެ.

advertisement

“މިފުރުސަތުގެ ސަބަބުން ދެގައުމުގެ ދެމެދުގައި އިތުބާރާއި ޔަޤީންކަން އެތައްތަނަކުން އިތުރުވެ ވިޔަފާރިގެ ދާއިރާއިން ބޮޑެތިކުރިއެރުން ތަކެއް ލިބިގެން ދާނެ. އަދި ސްޕައިސްޖެޓްފަދަ ކުންފުންޏެއްގެ އިތުބާރާއި ޔަޤީންކަން ލިބުމަކީ ވައިގެ އުދުހުންތަށް އެހެން ހަރުފަތަކަށް ގެންދިއުމަށް ކުރާ މަސައްކަތަށް އިތުރުފަހިކަމެއް ލިބިގެންދާނެކަމެއް، މިފުރުސަތުގެ ބޭނުންވީހާވެސް އެދެވޭ ގޮތެއްގައި އަޅުގަނޑުމެން ހިފާނަން” ރިޒްވީ ވިދާޅުވިއެވެ.

އަދި ސްޕައިސްޖެޓްގެ މިދަތުރުގެއިތުރުން، އިންޑިޔާގައި ސީޕްލޭން ފެށުމަށް ޓެކްނިކަލް ސަޕޯޓް އެގައުމުން ބޭނުންވާނަމަ އެކަން ފޯރުކޮށްދޭނެކަމަށާއި އެފަދަ މަޝްވަރާތަކެއް މިހާރުވެސް ކުރިއަށްދާކަމަށް ރިޒްވީ ވިދާޅުވިއެވެ.

މޯދީގެ ދަތުރުފުޅަކީ ދެގައުމަށްވެސް ވިންވިން ސިޓުއޭޝަނެކެވެ. ދަތުރާއެކީގައި ޒަމާންވީ ދިވެހިރާއްޖެ އިންޑިޔާގެ ގުޅުން ބަދަހިވުމުގެ އިތުރަށް ދިވެހިރާއްޖޭގެ މާސިންގާ ކަޑުތަކުން ދިވެހިންހޯދާ ތަޖުރިބާއަކީ ބޮޑެތި ގައުމުތަކުން އިޙްތިރާމުކުރާ އަދި ބަލައިގަންނަ ކަމެއްކަން މިދަތުރުން އެނގި އެކަމާ ނުހަނު ފަހުރުވެރިވާކަމަށް ރިޒްވީ ވިދާޅުވުއެވެ.

އިންޑިޔާގެ ޕްރައިމް މިނިސްޓަރ ނަރެންދުރަ މޯދީގެ ހާއްސަ ދަތުރުފުޅުގެ ކަންކަމުގައި ކުންފުނީގެ މުވައްޒަފުންގެ ފަރާތުން ލިބިފައިވާ އެއްބާރުލުން ފާހަގަކޮށް ރިޒްވީ ހުރިހާ މުވައްޒަފުންނަށް ޝުކުރުއަދާކުރިއެވެ. އަދި ކޮވިޑްގެ ހާލަތުން އަރައިގަނެވި އުންމީދީ މުސްތަގުބަލެއް ހޯދޭނެކަމުގެ ޔަގީންކަން އެބައޮތްކަމަށްވެސް ވިދާޅުވިއެވެ.

އިންޑިއާގެ އާއި ރާއްޖެއާ މުދާ އުފުލަންފެށި ކޮޗިން ފެރީ ގެ ދެވަނަ ދަތުރު އަންނަ މަހުގެ މެދެއްހާހިސާބުގައި ކުރާނެކަމަށް އެސްޓީއޯގެ މެނޭޖިން ޑިރެކްޓަރު ހުސައިން އަމުރު ވިދާޅުވެއްޖެ އެވެ.

ކޮޗިން ފެރީގެ ހަބަރެއް މި މަހު ނެތް ކަމަށް ބުނެ ކުރީގެ މެންބަރު އަހްމަދު ނިހާން ކުރެއްވި ޓްވީޓަކަށް ރައްދު ދެއްވާ އެސްޓީއޯގެ އެމްޑީ އަމްރު ވިދާޅުވީ އިންޑިއާ ކާގޯ ފެރީ މި ވަގުތު މާލެ ސަރަހައްދުގައި މުދާ ބާލަމުންދާ ކަމަށެވެ. އަދި އެނބުރި ގޮސް ދެން އަންނާނީ އަންނަ މަހުގެ 12 ހިސާބުގައި ކަމަށް އަމްރު ވަނީ ވިދާޅުވެފައެވެ.

އިންޑިއާގެ ކޮޗިންއިން މުދާ ހިފައިގެން ހދ.ކުޅުދުއްފުއްޓަށް އައި ފުރަތަމަ ކާގޯ ފެރީ އެރަށަށް ބަނދަރުކޮށްފައިވަނީ މިދިޔަ މަހުގެ 26 ގައެވެ. އިންޑިއާގެ ކޮޗިންއިން ކާގޯއާ އެކީ އައި، މި ފުރަތަމަ ފެރީއަކީ އެއްފަހަރާ 3000 ޓަނުގެ މުދާ އުފުލޭ ބޯޓެކެވެ. ފުރަތަމަ ދަތުރުގައި ކުޅުދުއްފުއްޓަށް 500 ޓަނުގެ ސިމެންތިއާއި، އަދި އެހެނިހެން ބާވަތްތަކުގެ މުދާ ހިމެނޭ 2 ކޮންޓެއިނަރު ގެނެސްފައިވެއެވެ.

އިންޑިއާ-ކޮޗިން ކާގޯ ފެރީގެ ރާއްޖޭގެ އެޖެންޓަކީ މޯލްޑިވްސް ސްޓޭޓް ޝިޕިންގްއެވެ. މި ފެށި ކާގޯ ފެރީގެ ސަބަބުން އަގުހެޔޮކޮށް މުދާ ގެނައުމަށް ދިވެހި ވިޔަފާރިވެރިންނަށް މަގުފަހިވެގެންދާނެކަމަށް ސަރުކާރުން ބުނެއެވެ.

މި ކާގޯފެރީ ރާއްޖެ އަންނަނީ ރާއްޖެ އަށް އެންމެ ގިނައިން މުދާ ގެންނަ ސޫތުކުޅި ބަނދަރުގައި ހުރި މުދަލާއި ކޮޗިންގެ ބަންދަރުން މުދާ ހިފައިގެންނެވެ.