ރޫޓުން ފޭރެން އުޅުނު މީހުންގެ ވަނަވަރު އާންމުކޮށްފި

ރޫޓް ފިހާރައިގެ ފައިސާތަކެއް ބޭންކަށް ޖަމާކުރަން ގެންދަނިކޮށް ފޭރެން އުޅުނު ހަތަރު މީހެއްގެ ފޮޓޯއާ އެކު އެ މީހުންގެ ވަނަވަރު ފުލުހުން އާންމުކޮށްފިއެވެ.

ހަތަރު މިލިއަނަށް ވުރެ ގިނަ ރުފިޔާ ފޭރެން އުޅުނުކަމުގެ ތުހުމަތުގައި ފުލުހުން ހައްޔަރުކޮށްފައި ވަނީ އަހްމަދު އަމީރު، ވ. ޕިންކްވިލާ، 20، މުހައްމަދު މުސްއަބު ޒުބައިރު، ގއ. ވިލިނގިލި، 23، އުމުރުން 22 އަހަރުގެ ހުސައިން އަބްދުލް މަޖީދު، ދަފްތަރު 3678 އަދި ލ. ގަން، ތުނޑި، ކީމިޔާގެ އަބްދުﷲ ރާޝިދު، 27 އެވެ.

advertisement

ސިލޯނު ބޭންކަށް ޖަމާކުރަން ގެންދިޔަ 4.2 މިލިއަން ރުފިޔާ ވޭނުން ބާލަން އުޅުނު ވަގުތު ސައިކަލުގައި އައި ބަޔަކު ފައިސާ އަޅާފައި ހުރި ފޮށިގަނޑު ފޭރިގަންނަން މަސައްކަތްކުރުމުން އެކަން ހުއްޓުވީ ރޫޓުގެ މުވައްޒަފުންނާއި ސިލޯން ބޭންކްގެ ސެކިއުރިޓީ ބަލަހައްޓަން ހުރި މީހެއް ގުޅިގެންނެވެ. ފޭރެން އުޅުނު މީހުން ތިބީ ހެލްމެޓް އަޅައިގެންނެވެ.

ފުލުހުން ބުނީ ހައްޔަރުކޮށްފައިވާ ހަތަރު މީހުން 15 ދުވަހަށް ބަންދުކުރުމަށް ކޯޓުން އަމުރުކޮށްފައިވާ ކަަމަށެވެ.

މި ފޭރުން ހުއްޓުވުމުގައި އެންމެ އިސް ދައުރެއް އަދާކުރި ސެކިއުރިޓީ ގާޑްގެ އަގު ވަޒަންކޮށް ރޫޓްގެ ފަރާތުން ވަސނީ 50،000ރ. ދީފައެވެ. އަދި ވޭންގައި ތިބި ރޫޓްގެ މުވައްޒަފުންނަށް ވެސް ކޮންމެ މުވައްޒަފަކަށް 20.000ރ. ދީފައި ވެއެވެ.