ގޯ އެއަރގެ ދަތުރުތައް އަލުން ރާއްޖެއަށް ފަށައިފި

އިންޑިއާގެ ގޯ-އެއަރގެ ދަތުރުތައް އަލުން ރާއްޖެއަށް ފަށައިފިއެވެ.

ގޯއެއަރގެ ދަތުރުތައް އަލުން ރާއްޖެއަށް ފެށުމަށް ފުރަތަމަ ފްލައިޓް ރާއްޖެ އައިސްފައިވަނީ އިއްޔެއެވެ.

މޯލްޑިވްސް އެއަރޕޯޓްސް ކޮންޕެނީ ލިމިޓެޑް، އެމްއޭސީއެލްއިން ވިދާޅުވީ، ގޯއެއަރއިން ހަފްތާއަކު 6 ފްލައިޓް ރާއްޖެ އަންނާނެކަމަށެވެ. މި ދަތުރުތައް ކުރާނީ އިންޑިއާގެ ދިއްލީ، ބެންގަލޫރު އަދި މުންބާއީންނެވެ.

ގޯއެއަރއިން އެންމެ ފުރަތަމަ ރާއްޖެއަށް ދަތުރުތައް ފަށާފައިވަނީ 2018 ވަނަ އަހަރުގެ އޮކްޓޯބަރުމަހުގެ ތެރޭގައެވެ.

ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތައް ދައްކާގޮތުންވެސް ބޯޑަރު ހުޅުވިފަހުން އެންމެ ގިނައިން އެއް ގައުމަކުން ރާއްޖެއަށް ފްލައިޓް އޮޕަރޭޓްކުރަނީ އިންޑިއާއިންނެވެ.

ގޯ އެއަރއިން ރާއްޖެއަށް އަލުން ދަތުރުތައް ފެށިއިރު އިންޑިއާގެ އެއަރ އިންޑިއާ، އިންޑިގޯ އަދި ސްޕައިސް ޖެޓުންވެސް ދަނީ ރާއްޖެއަށް ދަތުރުކުރަމުންނެވެ.

advertisement