ކޯވިޑްއަށް ޕޮޒިޓިވްވާ ފަތުރުވެރިންނާއި ރިސޯޓް މުވައްޒަފުން ބައިތިއްބަން ރިސޯޓެއް ހޯދަނީ

ކޮވިޑް-19 އަށް ޕޮޒިޓިވްވާ ޓޫރިސްޓުންނާއި ޓޫރިޒަމް ދާއިރާގެ މުވައްޒަފުން ކަރަންޓީން ކުރަން ޚާއްސަ ރިސޯޓެއް ކަނޑައަޅަން ޓޫރިޒަމް މިނިސްޓްރީން ނިންމައިފި އެވެ.

ޓޫރިޒަމް މިނިސްޓްރީން ވަނީ ކޮވިޑް-19 އަށް ޕޮޒިޓިވްވާ ޓޫރިސްޓުންނާއި މުވައްޒަފުންގެ އިތުރުން ޑައިރެކްޓް ކޮންޓެކްޓުންގެ ގޮތުގައި ފާހަގަވާ ޓޫރިސްޓުންނާއި މުވައްޒަފުން ކަރަންޓީން ކުރަން ޝައުގުވެރިވާ ރިސޯޓްތަކަށް އެ ފުރުސަތު ހުޅުވާލާފައެވެ.

advertisement

ޓޫރިޒަމް މިނިސްޓްރީން ބުނިގޮތުގައި ކަރަންޓީން ކުރަން ކަނޑައަޅާނީ މާލެ އަތޮޅު ފިޔަވައި އއ، އދ. އަދި ވ. އަތޮޅުގެ ރިސޯޓެކެވެ.

މިނިސްޓްރީން ކަނޑައަޅާފައިވާ އުސޫލުތަކުގެ ތެރޭގައި އެ ރިސޯޓެއްގައި މަދުވެގެން 50 އެނދު ހުރުމާއި ތިން މަހަށް ވުރެ ކުރު ނޫން މުއްދަތަކަށް ރިސޯޓް ލިބެން އޮތުމާއި ކަރަންޓީން ކުރާ މީހުންގެ ކެއިންބުއިމާއި ތިބުމުގެ ހުރިހާ ކަމެއް ކުރުމުގެ ގާބިލްކަން ހުރުން ހިމެނެ އެވެ. އޭގެ އިތުރުން ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ގަވާއިދުތަކަށް ފެތޭ ރިސޯޓަކަށް ވެސް އެތަން ވާން ޖެހެ އެވެ.