އިންޝުއަރެންސްއަށް އާންމުން ހޭލުންތެރިކުރުވުމަށް އެލައިޑުން ވެބިނަރތަކެއް ކުރިއަށްގެންދަނީ

އެލައިޑް އިންޝުއަރަންސްއިން އިންޝުއަރެންސްއާއި ބެހޭ ޙާއްސަ ސިލްސިލާ ވެބިނާތަކެއް ބޭއްވުމަށް ނިންމައިފިއެވެ. އެލައިޑުން ބުނީ ދެމަސް ދުވަހަށް ބަހާލައިގެން ކުރިޔަށްގެންދާ މިވެބިނާ ސީރީޒްގައި 30 މިނިޓުގެ 8 ސެޝަން ހިމެނޭނެކަމަށެވެ. ކޮންމެ ސެޝަނެއް ވެސް ކުރިޔަށްގެންދިޔުމަށް ހަމަޖެހިފައިވަނީ ވަކި މައުލޫއަކަށެވެ. 

އެލައިޑްގެ މިވެބިނާ ސީރީޒް އަލިއަޅުވާލާނެ މައުލޫތަކުގެ ތެރޭގައި ކޮވިޑް-19 ގައި އިންޝުއަރަންސްގެ ދައުރާއި، ޕެންޑެމިކެއްގައި ލައިފް އިންޝުއަރަންސްގެ ރޯލާއި، ގޭބީސީތަކުން ފަޔަރ އިންޝުއަރަންސް ނެގުމުގެ މުހިންމުކަމުގެ އިތުރުން ކުއްލި ހާލަތުގައި އިންޝުއަރަންސްގެ ބޭނުން ހިމެނެއެވެ.

advertisement

މި ވެބިނަރ ތަކުގައި ކުރިއާލާ ރަޖިސްޓްރީކޮށްގެން އާންމުންނަށްވެސް ބައިވެރިވެވޭނެކަމަށް އެލައިޑުން ބުނެއެވެ. މިސީރީޒްގެ ސެޝަންތަކުގައި ޕެނަލިސްޓުންގެ ގޮތުގައި ހަރަކާތްތެރިވުމަށް ހަމަޖެހިފައިވަނީ އެލައިޑުގެ އިންޝުއަރަންސް މާހިރުންނެވެ. މީގެ އިތުރުން ބައެއް ސެޝަންތަކުގައި މައުލޫއާއި ގުޅޭ ގޮތުން އެހެނިހެން މަންދޫބުންނަށްވެސް ދައުވަތު ދިނުމަށް ހަމަޖެހިފައި ވާއިރު، އާންމުންގެ ފަރާތުން ޕެނަލިސްޓުންނާއި ސުވާލުކޮށް ހިޔާލު ބަދަލުކުރުމުގެ ފުރުސަތު ލިބިގެންދާނެ ކަމުގައި އެލައިޑުން މައުލޫމާތު ދެއެވެ. 

އެލައިޑުން ބުނީ މި ވެބިނަރ ސީރީޒްގެ ބޭނުމަކީ ކޯވިޑު ފަދަ ތައްޔާރުވެވިފައި ނެތް ހާލަތެއްގައި ވެސް އިންޝުއަރަންސުން ލިބިދޭ މަންފާތަކާއި މެދު މައުލޫމާތު ހިއްސާކޮށް މިކަމުގެ ސަބަބުން ކަސްޓަމަރުންނަށް ލިބޭނެ ލުއި ފަސޭހަތައް ކިޔާދިނުންކަމަށެވެ.