ހޯރަފުށީ އެއަރޕޯޓް މިމަހުގެ 17 ގައި ހުޅުވަން ތައްޔާރުވަނީ

ހއ. ހޯރަފުށި އެއަރޕޯޓް މިމަހުގެ 17 ގައި ހުޅުވަން ތައްޔާރުވަމުންއަންނަކަމަށް ޓްރާންސްޕޯޓް މިނިސްޓްރީން ވިދާޅުވެއެވެ.

ޓްރާސްޕޯޓް މިނިސްޓްރީގެ ވިދާޅުވީ އެއާޕޯޓްގެ މަސައްކަތް ނިންމައި ތަނުގެ އިންސްޕެކްޝަން މިހާރު ކުރިއަށްދާ ކަމަށެވެ. މި މަހު 16 ގައި ޓެސްޓު ފްލައިޓު ޖައްސައި މި މަހު 17 ގައި އެއާޕޯޓު ހުޅުވަން ތައްޔާރުވަމުން އަންނަ ކަމަށް އެ މިނިސްޓްރީން ވަނީ ބުނެފައެވެ.

advertisement

ހޯރަފުށީ އެއާޕޯޓު މަޝްރޫ އަށް 198 މިލިއަން ރުފިޔާގެ ހޭދަކުރި އެވެ. އެ އެއާޕޯޓުގައި 1،200 މީޓަރުގެ ރަންވޭއަކާއި 8،635 އަކަމީޓަރުގެ އޭޕްރަންއަކާއި ޓެކްސީވޭއެއް އޮވެ އެވެ. މީގެ އިތުރުން ޓާމިނަލް ކުރިމަތީގެ މަގުތައް ހަދައި 9،473 އަކަމީޓަރުގެ ޕާކިން އޭރިއާއަކާއި 1،718 އަކަމީޓަރުގެ ފަޔާ އެކްސެސް މަގެއްގެ އިތުރުން 720 މީޓަރުގެ އެއާޕޯޓް ސެކިއުރިޓީ އަދި ބީޗް ފެންސެއް ވެސް މި މަޝްރޫއުގެ ދަށުން ހަދާފައި ވެ އެވެ.

މިއެއަރޕޯޓަކީ ރާއްޖޭގެ އެންމެ އުތުރުގައި ހަދަމުން އަންނަ އެއަރޕޯޓްއެވެ. މިއެއަރޕޯޓްގެ މަސައްކަތްތައް ފަށާފައިވަނީ މިދިޔަ އަހަރުއެވެ. މިހާރު ކުރަމުންދަނީ އެއަރޕޯޓްގެ އެންމެ ފަހުގެ މަސައްކަތްތަކެވެ. ހޯރަފުށީ އެއަރޕޯޓްގެ ޢަމަލީ މަސައްކަތްތައް ކުރަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ އެމްޓީސީސީންނެވެ.