ޚަބަރު

މުޅިން ސޯލާ އެނާޖީ ބޭނުންކުރާ ބަސް ސްޓޮޕެއް ސްޓެލްކޯ އިން ހުޅުވައިފި

15 ނޮވެމްބަރ 2020 - 10:04

ކަރަންޓް ފޯރުކޮށްދިނުމުގައި 100 ޕަސެންޓް ސޯލާ ޕެނަލް ބޭނުންކޮށްގެން ހެދި ފުރަތަމަ ބަސް ސްޓޮޕް މިއަދު ހުޅުވައިފިއެވެ.

ސްޓެލްކޯ އިން މި ބަސް ސްޓޮޕް ހަދާފައި ވަނީ ދަރުބާރުގެ ކައިރިން ބޮޑުތަކުރުފާނު މަގުގައެވެ. ސްޓެލްކޯ އިން ބުނީ އެ ތަނަށް ބޭނުންވާ ހުރިހާ ކަރަންޓެއް ވެސް ފޯރުކޮށްދޭނީ ސޯލާ ޕެނަލް މެދުވެރިކޮށް ކަމަށެވެ.

advertisement

ސޯލާ އެނާޖީ ބޭނުންކުރުމުގެ އިތުރުން މި ބަސް ސްޓޮޕް ފަރުމާކޮށްފައި ވަނީ އަތްވާއި ވަރޭ އިން ފަސިންޖަރުންނަށް ރައްކާތެރިކަން ލިބޭ ގޮތަށެވެ. އަދި އޭސީކޮށްފައިވާ އިރު ފޯން ޗާޖްކުރުން ފަދަ ހިދުމަތްތައް ވެސް އެތަނުން ލިބޭނެ ކަމަށް ސްޓެލްކޯ އިން މައުލޫމާތު ދެ އެވެ. މީގެ އިތުރުން ބަހުގެ ރޫޓްތަކާއި އެލާޓްތައް ދިނުން ފަދަ ކަންކަން ވެސް ހަމަޖައްސާފައި ވެއެވެ.

މި ބަސް ސްޓޮޕް އިިފްތިތާހުކޮށްދެއްވީ ނައިބު ރައީސް ފައިސަލް ނަސީމެވެ.

މި ބަސް ސްޓޮޕް ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ސްޓެލްކޯގެ އެމްޑީ ހަސަން މުޣުނީ ވިދާޅުވީ ރައްޔިތުންނަށް ލުއި ފަސޭހަ ހޯދައިދިނުމަށް ސްޓެލްކޯ އިން އަބަދު ވެސް މަސައްކަތްކުރާ ކަމަށެވެ.

ރިއެކްޝަންސް
0
0
0
0
0
0
0