ދިރާގު ޕްލޭއިން ބައެއް މަޤްބޫލު ޗެނަލްތައް މިހާރު ބަލާލެވޭނެ

ދިރާގު ޕްލޭ އެޕްލިކޭޝަނުގެ ޒަރީއާއިން ކަސްޓަމަރުން ބޭނުންވާ ތަފާތު ޗެނަލްތައް ބަލާލުމުގެ ފުރުސަތު އެ ކުންފުނިން ފަހިކޮށްދީފިއެވެ. އެގޮތުން “ޗެމްޕިއަންސް ލީގު”ގެ މެޗުތައް ބަލާލެވޭ ސޮނީ ސްޕޯޓްސްގެ ޗެނަލްތައް މި އެޕް މެދުވެރިކޮށް މިހާރު ބަލާލެވޭނެއެވެ. މީގެ ތެރޭގައި ސޮނީ ޓެން2 އެޗްޑީ އާއި ސޮނީ ޓެން3 އެޗްޑީ އާއި ސޮނީ ޓެން 1 އެޗްޑީ އާއި ސޮނީ ސިކްސް އެޗްޑީ ހިމެނެ އެވެ.

މީގެ އިތުރުން “ޒީ” ނެޓްވޯކުގެ ޗެނަލްތައް ވެސް ދިރާގުން ވަނީ މި އެޕަށް އިތުރުކޮށްފަ އެވެ. ދިރާގު ޕްލޭ ބޭނުން ކުރާ ކަސްޓަމަރުންނަށް މިހާރު ޖުމްލަ 42 ޗެނަލް މަހަކު އެންމެ 65ރ. އަށް ބަލާލެވޭނެކަމަށް އެ ކުންފުނިން ބުނެއެވެ.

advertisement

“ދިރާގު ޕްލޭ އެޕުން ލައިވް ޓީވީ ބަލާލުމުގެ އިތުރުން ޕްރޮގުރާމްތައް ކުރީބައިގައި ރިކޯޑް ވެސް ކޮށްލެވޭނެ އެވެ. ކަސްޓަމަރުންނަށް މި އެޕްލިކޭޝަން ޕްލޭ ސްޓޯރުންނާއި އެޕް ސްޓޯރުން ހިލޭ ޑައުންލޯޑްކުރެވޭނެކަމަށް ދިރާގުން ބުނެއެވެ.