އެސްޑީއެފްސީގެ ހިދުމަތްތައް އޮންލައިންކޮށް ދޭން ފަށައިފި

ކުދި އަދި މެދުފަންތީގެ ވިޔަފާރިތަކަށް އެހީތެރިވުމުގެ ގޮތުން އުފައދާފައިވާ އެސްއެމްއީ ފައިނޭންސް ޑިވެލޮޕްމަންޓް ކޯޕަރޭޝަން (އެސްޑީއެފްސީ) ގެ ހިދުމަތްތައް އޮންލައިން މެދުވެރިކޮށް ދޭން ފަށައިފިއެވެ.

އެސްޑީއެފްސީން ބުނީ އެ ތަނުން ދޫކުރާ ލޯންތަކަށް އޮންލައިން މެދުވެރިކޮށް މިހާރު ހުށަހެޅޭނެ ކަމަށެވެ. އެ ގޮތުން މީގެ ކުރިން ކައުންޓަރުންނާއި އީމެއިލް މެދުވެރިކޮށް ފޯމްތައް ބަލައިގަންނަމުން ދިޔަ ނަމަވެސް މިހާރު އެ ކަމަށް ހާއްސަ ޕޯޓަލްއެއް ހަދާފައިވާ ކަމަށް އެ ބޭންކުން ބުންޏެވެ.

advertisement

އެސްޑީއެފްސީން އާ ޕްލެޓްފޯމެއް ތައާރަފްކުރުމާ އެކު ލޯނު އެޕްލިކޭޝަން ދެން ބަލައިގަންނަނީ ހަމައެކަނި މި ޕްލެޓްފޯމް މެދުވެރިކޮށެވެ. އަދިކައުންޓަރުން އެ ހިދުމަތް ނުދޭނެ ކަމަށް އެސްޑީއެފްސީން ބުންޏެވެ.

އެސްޑީއެފްސީން ބުނީ އޮންލައިން މެދުވެރިކޮށް އެޕްލިކޭޝަން ހުށަހެޅުމުން އެޕްލިކޭޝަންގެ ސްޓެޓަސް ވެސް އޮންލައިންކޮށް ބަލާލެވޭނެ ކަމަށެވެ.

ކުދި އަދި މެދު ފަންތީގެ ވިޔަފާރިތައް ތަރައްގީކުރުމަށް އެހީތެރިވުމުގެ ގޮތުން އުފެއްދި އެސްޑީއެފްސީން ވަނީ ފުރަތަމަ އަހަރުގެ ތެރޭގައި ވެސް 450 މިލިއަނަށް ވުރެ ގިނަ ރުފިޔާގެ ލޯނު އެހީ ފޯރުކޮށްދީފައެވެ.