ދަރަނި އަދާކުރުމަށް މިހާތަނަށް 829.7 މިލިއަން ރުފިޔާ ހޭދަކޮށްފި

ސަރުކާރުގެ ދަރަނި އަދާކުރުމަށް މިއަހަރުގެ މިހާތަނަށް 829.7 މިލިއަން ރުފިޔާ ހޭދަކޮށްފައިވާކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފިއެވެ.

ފިނޭންސް މިނިސްޓްރީ އިން އާންމުކޮށްފައިވާ ދައުލަތުގެ އާމްދަނީ އާއި ހަރަދުގެ ތަފާސް ހިސާބުތައް ދައްކާގޮތުން މި މަހުގެ 5 ވަނަ ދުވަހުގެ ނިޔަލަށް ދައުލަތަށް އާމްދަނީގެ ގޮތުގައި ލިބިފައިވަނީ 11.8 ބިލިއަން ރުފިޔާ އެވެ. އެ މުއްދަތުގައި 21.9 ބިލިއަން ރުފިޔާ ހަރަދުކޮށްފައިވާ ކަމަށް ތަފާސް ހިސާބުތައް ދައްކަ އެވެ.

advertisement

ސަރުކާރުގެ ދަރަނި އަދާކުރުމަށް މިމަހުގެ 5 ވަނަ ދުވަހުގެ ނިޔަލަށް 829.7 މިލިއަން ރުފިޔާ ހޭދަކޮށްފައިވެއެވެ. އަދި މިދިޔަ އަހަރުގެ އެ މުއްދަތުގައި ލޯނު ދެއްކުމަށް ދައުލަތުން 1009 މިލިއަން ރުފިޔާ ހަރަދުކޮށްފައިވާކަމަށް ތަފާސްހިސާބުތަކުން ދައްކައެވެ.

ފިނޭންސްގެ ތަފާސްހިސާބުތައް ދައްކާގޮތުން ދައުލަތުގެ އާމްދަނީގެ 77 ޕަސެންޓަކީ ޓެކްސް އާމްދަނީ އެވެ. 23 ޕަސެންޓަކީ ޓެކްސް ނޫން ގޮތްގޮތުން ލިބުނު އާމްދަނީ އެވެ. ޓެކްސް އާމްދަނީގެ ގޮތުގައި 9.2 ބިލިއަން ރުފިޔާ ލިބިފައިވެ އެވެ. މި މުއްދަތުގައި ދައުލަތުން އެންމެ ބޮޑު ހޭދައެއް ކޮށްފައިވަނީ މުސާރައާއި އިނާޔަތްތައް ދިނުމަށެވެ. އެއީ ޖުމްލަ 8.2 ބިލިއަން ރުފިޔާއެވެ.