ޤަތަރު އެއަރވޭސްއިން ރާއްޖެއަށް ސޭފް ޓްރެވެލް ބަބުލްއެއް ޤާއިމްކޮށްފި

ރާއްޖެއަކީ ދަތުރުކުރަން ރައްކާތެރި ޤައުމެއްގެ ގޮތުގައި ޤަތަރުން ކަނޑައެމުމާއި ގުޅިގެން ޤަތަރު އެއަރވޭސްއިން ސޭފް ޓްރެވެލް ބަބުލްގެ ޤާއިމްކޮށްފިއެވެ. ޤަތަރުގެ ސޭފް ޓްރެވެލް ބަބުލްގެ ތެރެއަށް ރާއްޖެ އިތުރުކުރުމާއި ގުޅިގެން ޤަތަރު އެއާވޭއިސް އިން ވަނީ ސޭފްޓީ ޓްރެވެލް ބަބުލްއެއް ޤާއިމްކޮށްފައެވެ. މިއީ ޤަތަރު އެއަރވޭސްއިން މިފަދަ ސޭފްޓީ ޓްރެވެލް ބަބުލްއެއް ތައާރަފްކުރި ފުރަތަމަ ފަހަރެވެ. މި ސޭފްޓީ ބަބުލްއާއިއެކު ޤަތަރު އެއަރވޭސްއިން ވަނީ ރާއްޖެ އައިސް ޗުއްޓީ ހޭދަ ކޮށްލުމަށް ފުރުސަތު ހޯދައިދިނުމުގެ ގޮތުން ޙާއްސަ ޕެކޭޖްތަކެއް ތައާރަފްކޮށްފައެވެ. މި ޕެކޭޖުގެ ތެރެއިން ދަތުރު ކުރާ ފަރާތްތަކުން އަނބުރާ ޤައުމަށް ގޮސް ކަރަންޓީނު ވާން ނުޖެހޭނެކަމަށް އެއާލައިނުން ބުނެއެވެ.

މިއީ ޤަތަރުގެ ރައްޔިތުންނާއި އެޤައުމުގެ ދިރިއުޅެމުންދާ މީހުންނަށް ހާއްސަ ޕެކޭޖެކެވެ. ޤަތަރު އެއާވޭސްއިން މައުލޫމާތުދިން ގޮތުގައި މިގޮތަށް އަންނަ ފަތުރުވެރިން ރާއްޖެ އަންނާނީ ޓެސްޓު ކުރުމަށް ފަހުއެވެ. އަދި ފްލައިޓަށް އެރުމުގެ ކުރިން އެއްފަހަރު ޓެސްޓު ކުރާނެއެވެ. އަދި އަނބުރާ ދިއުމަށްފަހު ރެޕިޑް ޕީސީއާރު ޓެސްޓެއް ކުރާނެއެވެ. މި ޓެސްޓުން ނަތީޖާ ނެގެޓިވްވާ ފަރާތްތަށް އެޤައުމުގައި ކަރަންޓީނު ވާން ނުޖެހޭނެ ކަމަށް އެއާލައިން ބުނެއެވެ.

އެއެއާލައިންގެ ވެބްސައިޓުގައި ހާމަކޮށްފައިވާ މައުލޫމާތަށް ބަލާއިރު، މިޕެކޭޖުގެ ދަށުން ރާއްޖެ ދަތުރު ކުރެވޭނީ 1 ޑިސެމްބަރާއި 7 ޖެނުއަރީ އާ ދެމެދުއެވެ. މި ޕެކޭޖުގެ ދަށުން އަންނަ ފަތުރުވެރިން މަޑުކުރާނީ ސޭންޑީސް ބަތަލާ މޯލްޑިވްސް އާއި ޑައިމަންޑް ތުޑުފުށި ބީޗް އެންޑް ވޯޓާ ވިލާ ރިސޯޓުގައެވެ.

advertisement