ރާއްޖޭގެ ބެޑްމިންޓަން ތަރި އަޖުފާން ބެޑްމިންޓަން އެކަޑަމީއެއް އުފައްދައިފި

ރާއްޖޭގެ އެންމެ މޮޅު ބެޑްމިންޓަން ކުޅުންތެރިޔާ މުހައްމަދު އަޖުފާން ރަޝީދު ބެޑްމިންޓަން އެކަޑަމީއެއް އުފައްދައިފިއެވެ.
މި އެކަޑަމީއަށް ކިޔަނީ އަޖުފާން އިންޓަރނޭޝަނަލް ބެޑްމިންޓަން އެކަޑަމީއެވެ. މި އެކަޑަމީ  މެދުވެރިކޮށް ޒުވާން ކުދިން ބެޑްމިންޓަންއަށް ނިކުތުމަށް އެހީތެރިވެދޭނެކަމަށެވެ. އެގޮތުން އުމުރުން 7 އަހަރާއި 15 އަހަރާއި ދެމެދުގެ ކުދިން މި އެކަޑަމީ މެދުވެރިކޮށް ތަމްރީން ކުރާނެއެވެ.

އަޖުފާން އިންޓަރނޭޝަނަލް ބެޑްމިންޓަން އެކަޑަމީގެ އެންމެ ބޮޑު އަމާޒަކީ އެންމެ ތުއްތު ކުދިންގެ މެދުގައި ބެޑްމިންޓަނަށް ލޯބިޖެއްސުމެވެ. އަދި މި ކުޅިވަރަކީ ކާމިޔާބު ކުޅިވަރަކަށް ހަދައި ބެލެނިވެރިންވެސް އެމީހުންގެ ދަރިން ބެޑްމިންޓަން ކުޅެން ފޮނުވާ ވަރުގެ ކުޅިވަރަކަށް މި ކުޅިވަރުހެދުމެވެ.

advertisement

މި އެޑަމަކީ އުފެއްދީ ތުއްތު ކުދިންނާއި ވެޓްރަންސް ބެޑްމިންޓަން ކުޅުންތެރިންނަށް އަމާޒްކޮށްގެންނެވެ. މި އެކަޑަމީ މެދުވެރިކޮށް ވެޓްރެންސް ކުޅުންތެރިންނަށް އިތުރަށް ކުޅުމުގެ ފުރުސަތު ހޯދައިދީ، ރާއްޖެއިން ބޭރުގައިވެސް އޮންނަ މުބާރާތްތަކުންވެސް ފުރުސަތު ހޯދައިދިނުމަކީ އެކަޑަމީގެ މަޤްސަދެކެވެ.

އަޖުފާން އަކީ ރާއްޖޭގެ ބެޑްމިންޓަން ތާރީހުގައި ގައުމީ މުބާރާތުގެ އެންމެ ކާމިޔާބު ކުޅުންތެރިޔާ އެވެ. އޭނާ ވަނީ އެތައް ފަހަރަކު ބެޑްމިންޓަންގެ ސިންގަލްސް ޗެމްޕިއަންކަން ހޯދާފަ އެވެ. އަދި ގިނަ ފައިނަލް މެޗުތަކެއްވެސް އޭނާ ވަނީ ކުޅެފައެވެ.