އަހަރުގެ މިހާތަނަށް 4 ލައްކައަށްވުރެ ގިނަ ފަތުރުވެރިން ރާއްޖެ ޒިޔާރަތްކޮށްފި

މިއަހަރުގެ މިހާތަނަށް ރާއްޖެއަށް 434،201 ފަތުރުވެރިން ޒިޔާރަތްކޮށްފިއެވެ.

ޓޫރިޒަމް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން ރާއްޖޭގެ ބޯޑަރު ކޯވިޑް19 އަށް ބަންދުކޮށްފައި އޮތުމަށްފަހު އަލުން ހުޅުވާލިފަހުން މިހާތަނަށް 51،354 ފަތުރުވެރިން ވަނީ ރާއްޖެ ޒިޔާރަތްކޮށްފައެވެ. އަދި ބޯޑަރު ބަންދުކުރުމުގެ ކުރިން 382،760 ފަތުރުވެރިން ވަނީ ރާއްޖެ އައިސްފައެވެ.

advertisement

ބޯޑަރު ހުޅުވާލިފަހުން އެއްމަހުން އަނެއްކަމަށް ރާއްޖެ ޒިޔާރަތްކުރާ ފަތުރުވެރިން އަންނަނީ އިތުރުވަމުންނެވެ. އެގޮތުން ޖުލައިމަހު ރާއްޖެ އައިސްފައިވަނީ 1701 ފަތުރުވެރިންނެވެ.  އޮގަސްޓް މަހު 7628 ފަތުރުވެރިން، ސެޕްޓެމްބަރ މަހު 9538 ފަތުރުވެރިން، އޮކްޓޯބަރ މަހު 21،515 ފަތުރުވެރިން އަދި މިމަހުގެ ނޮވެމްބަރ މަހުގެ 1 އިން 11 އަށް 10،972 ފަތުރުވެރިން ވަނީ ރާއްޖެ އައިސްފައެވެ.

ރާއްޖޭގެ ބޯޑަރު ހުޅުވާލިފަހުން މިހާނަތަށް އެންމެ ގިނަ ފަތުރުވެރިން ރާއްޖެ އައިސްފައިވަނީ ރަޝިއާއިންނެވެ. އެއީ 11،240 ފަތުރުވެރިންނެވެ. 2 ވަނައަށް އެންމެ ގިނަ ފަތުރުވެރިން އިނގިރޭސިވިލާތުންނެވެ. އެއީ 4468 ފަތުރުވެރިންނެވެ. އަދި 3927 ފަތުރުވެރިންނާއިއެކު 3 ވަނައިގައި އުޅެނީ އެމެރިކާއެވެ.