އައްޑޫ އާއި ހުވަދު އަތޮޅަށް ޓުޓިކޮރިން އިން ޑައިރެކްޓް ދަތުރުތައް ފަށަނީ

އައްޑޫ އާއި ހުވަދު އަޮތޮޅަށް އިންޑިއާގެ ޓުޓިކޮރިން އިން ދަތުރުތައް ފެށުމަށް ތައްޔާރުވެއްޖެއެވެ.

ކުޅުދުއްފުށީ އެއާޕޯޓް ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ވިދާޅުވީ އައްޑުއަށާއި ހުވަދުއަތޮޅަށް ސީދާ ޓުޓިކޮރިންއިން ބޯޓުފަހަރު އާދެވޭގޮތަށް، ޝިޕިންގ ކުންފުނިން، ކުރިއަށް އޮތް ދެ ހަފުތާގެ ތެރޭގައި މަސައްކަތް ފަށާނެ ކަމަށެވެ.

advertisement

މީގެ ކުރިން ހދ. ކުޅުދުއްފުއްޓާއި އިންޑިއާގެ ކޮޗިންއާ ދެމެދު ވެސް ވަނީ ކާގޯ ފެރީގެ ހިދުމަތް ފަށާފައެވެ.

ރައީސް ވިދާޅުވީ މީގެ އިތުރުން ހިކި ކަނޑުމަހާއި، ލޮނުމަސް، ސިލޯނަށް އެތެރެކުރުމަށްހުރި  ހުރަސްތަކަށް ވެސްމިހާރު ހައްލެއް ލިބިފައިވާ ކަމަށެވެ. “އަޅުގަނޑަށް އިއްޔެ ފޮރިން މިނިސްޓަރު އެބައޮތް އޭގެ ރަނގަޅު ޚަބަރެއް ދެއްވާފައި. ސިލޯނުގެ ކަސްޓަމްސް އިން ފޮނުއްވާފައި އޮތް ސިޓީއެއް އެބައޮތް އަޅުގަނޑަށް ލިބިފައި. އެ ސިޓީގައި އޮތީ ސިލޯނުގެ ފިނޭންސް މިނިސްޓްރީއާ ޙަވާލާދެއްވައި، ރާއްޖޭގެ އެކަހަލަ ހިކި ކަނޑުމަހާއި ލޮނުމަސް އެތެރެކުރުން މަނާކުރާ އެއްވެސް ޕޮލިސީއެއް އަދި ސިލޯނުގެ ސަރުކާރުގައި ނެތް ވާހަކަ. އެހެންކަމުން، އިރާދަކުރެއްވިއްޔާ އެކަމަށް ދައްޗެއ ްނެތި ރާއްޖޭގެ މަސްވެރިންގެ މަސް ސިލޯނަށް އެތެރެކުރެވޭނެ ކަމުގެ ޔަޤީންކަން ފޮރިން މިނިސްޓަރު މިހާރުވަނީ އަޅުގަނޑުމެންނަށް ދެއްވާފައި،” ރައީސް ވިދާޅުވިއެވެ.