މިމަހު މޯލްޑިވިއަންގެ ޙާއްސަ ދަތުރުތަކެއް ކޮޗިންއިން ރާއްޖެއަށް

ކޮޗިންއާއި މާލެއާއި ދެމެދު މޯލްޑިވިއަނުން މިމަހުގެ ތެރޭގައި ހާއްސަ ދަތުރުތަކެއް ކުރުމަށް ނިންމައިފިއެވެ.

މި މަހުގެ ތެރޭގައި އިންޑިއާގެ ކޮޗިން އިން މާލެއަށް ހަތަރު ހާއްސަ ދަތުރު ކުރުމަށް ހަމަޖެހިފައިވާ ކަމަށް މޯލްޑިވިއަނުން ވަނީ ބުނެފައެވެ. މި ދަތުރުތައް އޮންނާނީ މިމަހުގެ 27، 28، 29 އަދި 30 ވަނަ ދުވަހުއެވެ.

advertisement

މޯލްޑިވިއަން އިން ބުނީ ކޮޗިން އިން ރާއްޖެއަށް ކުރާ މި ޙާއްސަ ދަތުރުތަކުގެ އެއްކޮޅު ޓިކެޓްގެ އަގަކީ 7،474 އިންޑިއަން ރުޕީސް ކަމަށެވެ.

މޯލްޑިވިއަން އިން މިވަގުތު ދަނީ ރާއްޖޭގެ 15 މަންޒިލަކަށް ދަތުރުކުރަމުންނެވެ. އަދި ރާއްޖެއިން ބޭރުން އިންޑިއާ އާއި ބަންގްލަދޭޝް އަށްވެސް މޯލްޑިވިއަނުން އަންނަނީ ދަތުރުތައް ކުރަމުންނެވެ.

މިމަހުގެ ތެރޭގައި ހޯރަފުށީ އެއަރޕޯޓަށްވެސް ދަތުރުތައް ފެށުމަށް ޤައުމީ އެއަރލައިން މޯލްޑިވިއަނުން އަންނަނީ ތައްޔާރުވަމުންނެވެ.