ޚަބަރު

ލީޑިންގ ޑެސްޓިނޭޝަންގެ އެވޯޑަކީ ޓުއަރިޒަމް ދާއިރާގެ ބުރަ މަސައްކަތުގެ ނަތީޖާ: ރައީސް

29 ނޮވެމްބަރ 2020 - 10:18

ވޯލްޑް ޓްރަވެލް އެވޯޑްގެ ލީޑިންގ ޑެސްޓިނޭޝަންގެ އެވޯޑް ރާއްޖެ އަށް ލިބުނީ ޓުއަރިޒަމް ދާއިރާގެ ބުރަ މަސައްކަތުން ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ވިދާޅުވެއްޖެއެވެ. 

ލީޑިންގ ޑެސްޓިނޭޝަންގެ އެވޯޑް ލިބުމާ ގުޅިގެން ރައީސް ކުރެއްވި ޓްވީޓެއްގައި ވިދާޅުވީ ކޮވިޑް-19ގެ ގޮންޖެހުންތަކުގެ ތެރޭގައި ވެސް ރާއްޖެއަކީ ޓުއަރިސްޓުންނަށް ރައްކާތެރި ތަނެއްގެ ގޮތުގައި ހެދުމަށް ޓުއަރިޒަމް ދާއިރާ އިން ބުރަ މަސައްކަތްތަކެއް ކޮށްފައިވާ ކަމަށެވެ. އެވޯޑަކީ އޭގެ ނަތީޖާ ކަމަށް ރައީސް ވިދާޅުވިއެވެ. ރައީސް ވަނީ ހުރިހާ ފަރާތްތަކަށް އެކަމުގެ މަރުހަބާ ދަންނަވާފައެވެ. 

advertisement

ލީޑިންގ ޑެސްޓިނޭޝަން އެވޯޑް ރާއްޖެ އަށް ލިބިފައި ވަނީ ދުބާއީ އާއި މެލޭޝިޔާއާ ވާދަކޮށްގެންނެވެ. ދެން އެންމެ ކައިރިން ވާދަކުރީ ސްޕެއިންއާއި މޮރިޝަސް އަދި ސްރީ ލަންކާއެވެ. މިއީ ލީޑިންގ ޑެސްޓިނޭޝަން އެވޯޑް ރާއްޖެ އަށް ލިބުނު ފުރަތަމަ ފަހަރެވެ. 

ކޮވިޑްގެ ސަބަބުން ރާއްޖޭގެ ޓުއަރިޒަމަށް ވެސް ވަނީ ވަރަށް ބޮޑަށް އަސަރުކޮށްފައެވެ. މާޗް މަހު ބޯޑަރު ބަންދުކުރުމާ ހަމައަށް ރާއްޖެ އައީ ވަރަށް ބޮޑަށް ކުރިއަރަމުންނެވެ. އޭގެ ފަހުން ބަންދުކޮށްފައި އޮތުމަށް ފަހު ޖުލައި މަހު އަލުން ބޯޑަރު ހުޅުވާލުމާ އެކު އަނެއްކާ ވެސް ޓުއަރިސްޓުންގެ ސަމާލުކަން ރާއްޖެ އަށް އަންނަނީ ލިބެމުންނެވެ. ހާއްސަކޮށް މަޝްހޫރު އެތައް ބަޔަކު ރާއްޖެ އައުމުގެ ސަބަބުން ރާއްޖެ އިތުރަށް ޕްރޮމޯޓްވެ އަންނަ އަހަރުގެ ތެރޭގައި ވަރަށް ބޮޑު ކުރިއެރުމެއް ލިބޭނެ ކަމަށް މިހާރު ވަނީ އަންދާޒާކުރެވެން ފަށާފައެވެ. 

ޓުއަރިޒަމް މިނިސްޓަރު އަބްދުﷲ މައުސޫމް ދާދި ފަހުން ވިދާޅުވެފައި ވަނީ އަންދާރާކުރި ވަރަށް މި އަހަރު ރާއްޖެ އަށް ޓުއަރިސްޓުން އަންނާނެ ކަަމަށެވެ.  

ރިއެކްޝަންސް
0
0
0
0
0
0
0