ބޭންކްތަކުން ނެގޭ ފައިސާގެ އަދަދު ދެ ލައްކަ އަށް ލިމިޓްކުރަން އެމްއެމްއޭ އިން އަންގައިފި

ބޭންކްތަކުން ދުވާލެއްގެ މައްޗަށް އެންމެ ގިނައިން ނެގޭ ފައިސާގެ އަދަދު 200،000 އަށް ލިމިޓްކުރަން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބޭންކްތަކަށް އަންގައިފިއެވެ.

އެމްއެމްއޭ އިން ހާމަކޮށްފައިވާ ގޮތުގައި މި ގޮތަށް ނިންމާފައި ވަނީ ބޭންކްތަކުން ހިދުމަތް ހޯދާ ކަސްޓަމަރުން އިލެކްޓްރޯނިކް މުއާމަލާތްތަކަށް އަހުލުވެރިކުރުވުމުގެ ގޮތުންނެވެ. މި އެންގުމަށް މި މަހުގެ ނިޔަލަށް މި އެންގުމަށް އަމަލުކުރަން ފަށަންޖެހޭނެ ކަމަށް އެމްއެމްއޭ އިން ވަނީ އަންގާފައެވެ.

advertisement

މިއީ އެމްއެމްއޭ މިފަދަ އެންގުމެއް ބޭންކްތަކަށް އެންގި ފުރަތަމަ ފަހަރެވެ. މީގެ ކުރިން އެއްފަހަރާ އެންމެ ގިނަ އަދަދަކަށް ފައިސާ ނެގޭ މިންވަރު ކަނޑައަޅަނީ އެ ބޭންކަކުންނެވެ.

އެމްއެމްއޭ އިން ބުނީ ނަގުދު ފައިސާގެ މުއާމަލާތްކުރުމަށް ކުރިމަތިވާ ދަތިތަކަށް މި ބަދަލުގެ ސަބަބުން ފަސޭހަވެގެންދާނެ ކަމަށެވެ.

އެމްއެމްއޭ އިން މި ބަދަލު ގެނައި އިރު ގިނަ އަދަދެއްގެ ނަގުދު ފައިސާ ގެންގުޅުމުގެ ސަބަބުން ވައްކަމާއި ފޭރުމުގެ ކަންކަން ވެސް އިތުރުވެފައި ވެއެވެ. އެމްއެމްއޭގެ މި ބަދަލާ އެކު ނަގުދު ފައިސާގެ ބަދަލުގައި އިލެކްޓްރޯނިކް މުއާމަލާތްތައް ކުރުން އިތުވެގެންދާނެ ކަމަށް ބެލެވެއެވެ.