ޗައިނާގައި ރާއްޖެ އިޝްތިހާރުކުރުމަށް އެމްއެމްޕީއާރުސީން 2 ކެންޕެއިނެއް ފަށައިފި

ޗައިނާގައި ރާއްޖެ އިޝްތިހާރު ކުރުމަށް އެމްއެމްޕީއާރުސީން އެ ގައުމުގައި ދެ ކެމްޕޭނެއް ފަށައިފި އެވެ.

އެމްއެމްޕީއާރުސީން ބުނި ގޮތުގައި ޗައިނާގައި ކުރިއަށްގެންދަނީ އޮންލައިން ރޯޑް ޝޯއަކާއި ވީޗެޓު މެދުވެރިކޮށް ހިންގާ ކެމްޕޭނެކެވެ. މީގެ ތެރެއިން އޮންލައިން ރޯޑް ޝޯގައި ލައިވް ވެބިނާތަކާއި އޮންލައިން އެގްޒަބިޝަންތަކާއި “ވަން އޮން ވަން” ބައްދަލުވުންތައް ހިމެނޭނެ އެވެ.

advertisement

ލައިވް ވެބިނާ އަކީ ޗައިނާގެ ޓޫރިސްޓުންނަށް ރާއްޖެ އަކީ މި ވަގުތު ވެސް ރައްކާތެރި މަންޒިލެއްކަން ކަށަވަރުކޮށްދިނުމަށް ބާއްވާ ވެބިނާއެކެވެ. އަދި އޮންލައިން އެގްޒެބިޝަނުގައި ރާއްޖެއަށް ދަތުރުކުރުމާ ގުޅޭ އެންމެ ފަހުގެ މައުލޫމާތު ހިއްސާކުރާނެ ކަމަށް އެ ކުންފުނިން ބުނެއެވެ. މި އެގްޒަބިޝަން ކުރިއަށްދާނީ އަންނަ އަހަރުގެ ފެބަރުއަރީ މަހުގެ ނިޔަލަށެވެ.

އެމްއެމްޕީއާރުސީގެ އޮންލައިން ރޯޑް ޝޯގައި ރާއްޖޭގެ ޓޫރިޒަމް ދާއިރާގެ 11 ކުންފުންޏަކުން ބައިވެރިވާނެ އެވެ.

ވީ ޗެޓުގެ “އިންފޮމޭޝަން ޕޯޓަލް ފޯ ޓްރެވަލް ޓްރޭޑް”ގައި ކުރިއަށްގެންދާ ކެމްޕޭނަކީ އެ ޕޯޓަލް މެދުވެރިކޮށް ރާއްޖެއަށް ދަތުރުކުމާގުޅޭ އެންމެ ފަހުގެ މައުލޫމާތު ފޯރުކޮށްދިނުމަށް ހިންގާ ކެމްޕޭނެކެވެ.