ސިޕިން އެޖެންސީގެ ޤަވައިދާ ޙިލާފަށް ފީ ނަގާނަމަ ފިޔަވަޅު އަޅާނަން – ޓްރާންޕޯޓް މިނިސްޓްރީ

ޓްރާންސްޕޯޓް އޮތޯރިޓީން ބުނެފިއެވެ. ޓްރާސްޕޯޓް މިނިސްޓްރީން މިހެން ބުނެފައިވަނީ ބައެއް ޝިޕިންގ އެޖެންސީތަކުން ފީ ނަގާ މައްސަލަ ބޮޑުވެފައިވާ ދަނޑިވަޅެއްގައެވެ.

ޝިޕިން އެޖެންސީއާބެހޭ ގަވާއިދު އަލުން އެކުލަވާލުމަށް ފަހު އެ ގަވާއިދަށް އަމަލުކުރަން ފެށީ މިދިޔަ މަހުގެ 26 ވަނަ ދުވަހު އެވެ.

advertisement

އެ ގަވާއިދަށް އަމަލުކުރަން ފެށި ތާރީހުން ފެށިގެން އަގު ކޮންޓްރޯލްކޮށް، އަދި އެ ދުވަހުން ފެށިގެން ޑެލިވަރީ އޯޑާ އަކަށް ނެގޭނެ ފައިސާގެ އަދަދު ވެސް ވަނީ ކަނޑައަޅައިފަ އެވެ.

ޝިޕިން ޤަވާއިދުގައިވާގޮތުން ޝިޕިން އެޖެންޓާއި ކޮންސައިނީއާއި ދެމެދު އެއްބަސްވެފައިވާ ޚިދުމަތުގެ އަގުގެ އިތުރަށް ސީދާ ގޮތުންނާއި ނުސީދާގޮތުން އެއްވެސް ކަމަކަށް ކޮންސައިނީގެ އަތުން އެއްވެސް ފީއެއް ނުވަތަ ޗާޖެއް ނުނެގޭނެއެވެ. އަދި ޑެލިވަރީ އޯޑަރ (ޑީ.އޯ) ޗާޖުގެ ގޮތުގައި ފުލް ކޮންޓެއިނަރަކަށް ނުވަތަ އެއަށްވުރެ ގިނަ ސީ.ބީ.އެމް ހިމެނޭ ބީ.އެލް އަކަށް ނަމަ ނެގޭނީ ހަތްސަތޭކަ ހަތްދިހަ އެއް ރުފިޔާއެވެ.

ފުލް ކޮންޓެއިނަރަކަށްވުރެ މަދުން ހުންނަ ބީ.އެލް އަކަށްނަމަ ނެގޭނީ ތިންސަތޭކަ އަށްޑިހަ ފަސް ރުފިޔާއެވެ. ފުލް ކޮންޓެއިނަރ ނުވަތަ އެއަށްވުރެ ގިނަ ސީ.ބީ.އެމް ހިމެނޭ މުދާ އަދި ފުލް ކޮންޓެއިނަރ އަށްވުރެ މަދުން ހުންނަ ބީ.އެލް ގައި ނުހިމެނޭ ބާވަތުގެ މުދަލަކަށް ދޫކުރެވޭ ޑެލިވަރީ އޯޑަރ އަކަށް ނެގޭނީ ތިންސަތޭކަ އަށްޑިހަ ފަސްރުފިޔާއެވެ.

ގަވާއިދާ ހިލާފަށް ކޮންޓްރޯލް ކޮށްފައިވާ އަގަށްވުރެ ބޮޑުކޮށް އަދި އިންކޯޓާމްސްގެ ދަށުން ޝިޕިން އެޖެންޓާއި ކޮންސައިނީއާއި އެއްބަސްވެފައިވާ ހިދުމަތުގެ އަގުގެ އިތުރަށް ސީދާ ގޮތުންނާއި ނުސީދާ ގޮތުން އެއްވެސް ކަމަކަށް ކޮންސައިނީގެ އަތުން އެއްވެސް ފީއެއް ނަގައިފި ނަމަ، ފުރަތަމަ ފަހަރަށް 1000 ރުފިޔާ އިން ޖޫރިމަނާކުރާނެއެވެ. ދެވަނަ ފަހަރަށް 10,000 ރުފިޔާ އަދި ދެފަހަރަށްވުރެ އިތުރުވެއްޖެ ނަމަ، އިތުރުވާ ކޮންމެ ފަހަރަކަށް 100,000 ރުފިޔާ އިން ޖޫރިމަނާ ކުރާނެކަމަށް ޤަވައިދުގައި ވަނީ ބުނެފައެވެ.