އަންނަ އަހަރު ރާއްޖެއަށް 1.5 މިލިއަން ފަތުރުވެރިން އަންނާނެކަމަށް އަންދާޒާކޮށްފި

އަންނަ އަހަރު 1.5 މިލިއަން ފަތުރުވެރިން ރާއްޖެ ޒިޔާރަތްކުރާނެކަމަށް ޓޫރިޒަމް މިނިސްޓްރީން އަންދާޒާކޮށްފިއެވެ.
ޓޫރިޒަމް މިނިސްޓްރީން ވިދާޅުވީ، މިއަހަރު ރާއްޖެއަށް ޒިޔާރަތްކުރާ ފަތުރުވެރިންގެ އަދަދު 525000 އަށް އަރާނެކަމަށް މިހާރު އަންދާޒާކުރެވޭނެކަމަށެވެ.

އަންނަ އަހަރު 1.5 މިލިއަން ފަތުރުވެރިން ރާއްޖެ އަންނާނެކަމަށް މިހާރު އަންދާޒާކުރެވޭކަމަށް ޓޫރިޒަމް މިނިސްޓްރީން މިހާރު ވަނީ މިދާޅުވެފައެވެ. އަދި އަންނަ އަހަރުގެ ތެރޭގައި 10 މިލިއަނަށްވުރެ ބެޑް ނައިޓްސް އިތުރުވާނެކަމަށްވެސް އެ މިނިސްޓްރީން ވަނީ އަންދާޒާކޮށްފައެވެ. އަންނަ އަހަރު ރާއްޖެއަށް 1.5 މިލިއަން ފަތުރުވެރިން އަންނާނެކަމަށް ޓޫރިޒަމް މިނިސްޓްރީން އަންދާޒާކޮށްފައިވާއިރު ބޯޑަރު ހުޅުވާލިފަހުން ރާއްޖެއަށް 1 ލައްކަ ވަނަ ފަތުރުވެރިޔާ ޒިޔާރަތްކޮށްފައިވަނީ އިއްޔެއެވެ. މި ފަތުރުވެރިޔާއަށް މަރުހަބާކިޔުމަށް ވަނީ ޙާއްސަ ހަރަކާތްތަކެއްވެސް ކުރިއަށްގެންގޮސްފައެވެ.
ރާއްޖޭގެ ފަތުރުވެރިކަން އަލުން ކޮޅަށް ނެގުމަށްޓަކައި ދައިރާގެ ފަރާތްތަކުން ދެއްވާ އެއްބާރުލުމަށް ޓޫރިޒަމް މިނިސްޓްރީން ވަނީ ޝުކުރު އަދާކޮށްފައެވެ. ރާއްޖެ އަންނަ ފަތުރުވެރިން އިތުރުކޮށް ބޭރުގެ މާކެޓްތަކުގައި ރާއްޖެ އިޝްތިހާރުކުރުމަށް ސަރުކާރާއި ކަމާގުޅޭ ފަރާތްތަކުން ކޯވިޑްގެ ހާލަތުގައިވެސް ވަނީ ގިނަ ކެންޕެއިންތަކެއްވެސް ކުރިއަށްގެންގޮސްފައެވެ.

advertisement