އެމިރޭޓްސް އިން ރާއްޖެއަށް ކުރާ ދަތުރުތައް އަނެއްކާވެސް އިތުރުކޮށްފި

އެމިރޭޓްސް އިން ރާއްޖެއަށް ކުރާ ދަތުރުތަކަށް އޮތް ޑިމާންޑް ބޮޑުވުމުގެ ސަބަބުން އަނެއްކާވެސް ދަތުރުތައް އިތުރުކޮށްފިއެވެ.

މޯލްޑިވްސް އެއަރޕޯޓު ކޮންޕެނީ ލިމިޓެޑް (އެމްއޭސީއެލް)އިން ބުނީ މިމަހުގެ 11 އިން ފެށިގެން އެމިރޭޓްސް އިން ރާއްޖަށް ކުރާ ދަތުރުތައް އިތުރުކޮށްފައިވާ ކަމަށެވެ.

advertisement

އެމިރޭޓްސްއިން ރާއްޖެއަށް ކުރާ ދަތުރުތައް އިތުރުކުރުމާއިއެކު މިހާރު އެ އެއަރލައިނުން ދުވާލަކު 3 ދަތުރު ރާއްޖެއަށް ކުރާނެއެވެ.

ރާއްޖޭގެ ބޯޑަރު މިދިޔަ ޖުލައިމަހުގެ 15 ވަނަ ދުވަހު ހުޅުވާލާފައިވާއިރު، އެމިރޭޓްސް އެއަރލައިންގެ ދަތުރުތައް ފަށާފައިވަނީ ޖުލައި 16 ވަނަ ދުވަހުއެވެ. އެމިރޭޓްސްއިން ރާއްޖެއަށް ދަތުރުތައް އަލުން ފަށާފައިވަނީ ހަފްތާއަކު 5 ދަތުރުންނެވެ. އެހެން ނަމަވެސް ރާއްޖެއަށް އޮތް ޑިމާންޑު ރަނގަޅުކަން ފާހަގަކޮށް އެއަރލައިނުން ވަނީ އޮގަސްޓުމަހުގެ 4 ވަނަ ދުވަހުން ފެށިގެން ރާއްޖެއަށް ހަފްތާއަކު 6 ދަތުރުކުރަން ފަށާފައެވެ .އެހެން ނަމަވެސް ރާއްޖެއަށް އޮތް ޑިމާންޑު ރަނގަޅުކަން ފާހަގަކޮށް މިހާރު އެ އެއަރލައިނުން މިވަނީ ދުވާލަކު 3 ދަތުރައް އިތުރުކޮށްފައެވެ.

އެމިރޭޓްސްއިން ރާއްޖެއަށް ކުރާ ދަތުރުތައް އިތުރުކޮށްފައިވާއިރު، މެދުއިރުމަތީގެ ބޮޑެތި އެއާލައިންތައް ކަމަށްވާ، އިއްތިހާދު އަދި ގަތަރު އެއާވޭސް އިން އެއެއަރލައިންގެ ކަސްޓަމަރުންގެ މެދުގައި ރާއްޖެއަށް އޮތް ޑިމާންޑް އިތުރުވުމާއި ގުޅިގެން އެއަރލައިންތަކުން ރާއްޖެއަށް ކުރާ ދަތުރުތައް ވަނީ އިތުރުކޮށްފައެވެ.