ޖަރުމަނުގެ ކޮންޑޯ އެއަރލައިނުން ރާއްޖެއަށް ދަތުރު ފަށައިފި

ޖަރުމަނުވިލާތުގެ ކޮންޑޯ އެއަރލައިންގެ ދަތުރުތައް ރާއްޖެއަށް އަލުން ފަށައިފިއެވެ.

ކޮންޑޯ އެއަރލައިންގެ ދަތުރުތައް ރާއްޖެއަށް ކުރަނީ ޖަރުމަންވިލާތުގެ ފްރެންކްޕަރޓުން ވެލާނާ އިންޓަރނޭޝަނަލް އެއަރޕޯޓަށެވެ. ކޮންޑޯ އެއަރލައިނުން ރާއްޖެއަށް އަލުން ދަތުރުތައް ފެށުމާއިއެކު ހަފްތާއަކު ދެ ދަތުރު އެ އެއަރލައިނުން ރާއްޖެއަށް ކުރާނެއެވެ.

advertisement

ކޮންޑޯ އެއަރލައިނަކީ ދުނިޔޭގެ މަޤްބޫލް ލެޝަރ އެއަރލައިންނެކެވެ. މި އެއަރލައިނުން އާއްމުގޮތުގައި ދަތުރުތައް ކުރާނީ ޗުއްޓީ ހޭދަކުރުމަށް މީހުންގެ މެދުގައި މަގްބޫލު މަންޒިލްތަކަށެވެ. ކޮންޑޯ އެއަރލައިނުން މީގެ ކުރިންވެސް ވަނީ ރާއްޖެއަށް ދަތުރުތައް ފަށާފައެވެ.

ޖަރުމަނުވިލާތަކީ ރާއްޖޭގެ ފަތުރުވެރިކަމަށް މުޙިއްމު މާކެޓެކެވެ. ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން ރާއްޖޭގެ ބޯޑަރު އަލުން ހުޅުވާލިފަހުން މިމަހުގެ 19 ވަނަ ދުވަހުގެ ނިޔަލަށް ޖަރުމަންވިލާތުން ރާއްޖެއަށް 5393 ފަތުރުވެރިން ވަނީ ޒިޔާރަތްކޮށްފައެވެ. ޖަރުމަންވިލާތަކީ ރާއްޖެއަށް 6 ވަނައަށް އެންމެ ގިނަ އަދަދަކަށް ފަތުރުވެރިން ޒިޔާރަތްކޮށްފައިވާ ޤައުމުކަން ފާހަގަކޮށްލެވެއެވެ.

ޖަރުމަނު ވިލާތުގެ ލުފްތަންސާ އެއަރލައިނުންވެސް މިހާރު އަންނަނީ ރާއްޖެއަށް ދަތުރުކުރަމުންނެވެ.