ކަސްޓަމަރުންނަށް އިތުރު ފަސޭހަކަމާއިއެކު “އައިކެއަރ” ގެ އައު ވެބްސައިޓް ލޯންޗްކޮށްފި

ރާއްޖޭގައި ފުޅާ ދާއިރާއެއްގައި ލޮލުގެ ޙިދުމަތް ދެމުންއަންނަ “އައިކެއަރ” ގެ އައު ވެބްސައިޓް ލޯންޗްކޮށްފިއެވެ. އައިކެއަރ އިން އަލަށް ލޯންޗްކުރި އެ ކުންފުނީގެ އީ-ކޮމާސް ވެބްސައިޓް މެދުވެރިކޮށް އެ ކުންފުނިން ފޯރުކޮށްދޭ ޙިދުމަތްތަކާއި ޕްރޮޑަކްޓްތައް ފަސޭހަކަމާއިއެކު ލިބޭނެއެވެ.

“އައިކެއަރ” ގެ އައު ވެބްސައިޓް މެދުވެރިކޮށް އޮންލައިންކޮށް ބުކިން ހެއްދުމާއި، އެންމެ ފަހުގެ ޕްރޮޑަކްޓްތަކާއި ގުޅޭ މައުލޫމާތު ލިބި އެތަކެތި ފަސޭހަކަމާއިއެކު ގަނެވޭނެ އިންތިޒާމް ވަނީ ހަމަޖައްސާފައެވެ. މި ވެބްސައިޓަށް ޒިޔާރަތްކޮށް އެ މީހަކު ބޭނުންވާ ޕްރޮޑަކްޓެއް ވަގުތުން ގަތުމުގެ މަގު މިހާރު އައިކެއަރ އިން ވަނީ ފަހިކޮށްދީފައެވެ.

advertisement

އައިކެއަރ ގެ ޙިދުމަތް ދޭން ފަށާފައިވަނީ 2003 ވަނަ އަހަރުގެ ތެރޭގައެވެ. އެ ކުންފުންޏަކީ މިއަދު ރާއްޖޭގައި ލޮލުގެ ފަރުވާ ހޯދުމަށް އާންމުންގެ މެދުގައި އެންމެ ބޮޑު މަޤްބޫލްކަމަކާއި ޔަޤީންކަން ހޯދާފައިވާ ކުންފުންޏެވެ. އެ ކުންފުނިން ވިއްކާ ބައެއް ޕްރޮޑަކްޓްތަކުގެ ތެރޭގައި ނަންބަރު އައިނާއި، އަވި އައިނާއި، ކޮންޓެކްޓް ލެންސްގެ އިތުރުން ލޮލުގެ ފަރުވާއާއި ގުޅޭ އެހެން އުފެއްދުންތަކާއި، އަތުކުރީ ގަޑި ހިމެނެއެވެ.

އައިކެއަރއިން އަލަށް ލޯންޗްކުރި ވެބްސައިޓް މެދުވެރިކޮށް އެ ކުންފުނިން ވިއްކާ ޕްރޮޑަކްޓްތަކާއި، އެންމެ ފަހުގެ އުފެއްދުންތައް ލިބެންހުންނާނެއެވެ. އަދި އުފެއްދުމާއި ގުޅޭ މައުލޫމާތާއި ފޮޓޯވެސް ފަސޭހަކަމާއިއެކު ކަސްޓަމަރުންނަށް ވެބްސައިޓް މެދުވެރިކޮށް ފެންނަން ހުންނާނެއެވެ. މީގެ ސަބަބުން ކަސްޓަމަރުންނަށް ބޭނުންވާ އުފެއްދުން ގަތުމަށް އިތުރު ފަސޭހަކަމެއް ލިބިގެންދާނެއެވެ. އަދި ވެބްސައިޓް މެދުވެރިކޮށް ވަކިން ކަސްޓަމަރުން ބޭނުންވާ އަގެއްގެ ޖިންސެއްގެ އުމުރެއްގެ ސައިޒެއްގެ އަދި އެންމެ މަޤްބޫލް ސްޓައިލްތަކުގެ ތަކެތި ވަކިން ހޯދުމުގެ މަގުވެސް ވަނީ ފަހިކޮށްދީފައެވެ.

މި ވެބްސައިޓް މެދުވެރިކޮށް އައިކެއަރ އިން ފޯރުކޮށްދޭ ހުރިހައި ޙިދުމަތްތަކެއް ވަކިން ބަލާލާ ބޭނުންވާ ޑޮކްޓަރަކަށް އެޕޮއިންޓްމަންޓް ހައްދާލެވޭނެއެވެ. އިތުރު މައުލޫމާތު ބޭނުންވާނަމަ 3321026 ނުވަތަ ވެބްސައިޓް www.eyecare.mv އިން ލިބެންހުންނާނެއެވެ.