ޤަތަރު އެއަރވޭސްއިން ރާއްޖެއަށް ކުރާ ދަތުރުތައް ދުވާލަކު 4 ދަތުރައް އިތުރުކޮށްފި

ޤަތަރު އެއާވޭސްއިން ރާއްޖެއަށްކުރާ ދަތުރުތައް އިތުރުކޮށްފިއެވެ. ޤަތަރު އެއަރވޭސްއިން ބުނީ އެ އެއަރލައިނުން ރާއްޖެއަށް ކުރާ ދަތުރުތައް ދުވާލަކު 4 ދަތުރައް މިހާރު އިތުރުކޮށްފައިވާކަމަށެވެ. މިހާރު ޤަތަރު އެއަރލައިނުން ރާއްޖެއަށް ކުރަނީ ދުވާލަކު 3 ދަތުރެވެ. އެމްއޭސީއެލްއިން ބުނީ ޤަތަރު އެއަރވޭސްއިން ރާއްޖެއަށް ކުރާ ދަތުރުތައް އިތުރުކުރުމުގެ ސަބަބުން އެ އެއަރލައިން މެދުވެރިކޮށް ދުވާލަކު 1100 އަށްވުރެ ގިނަ މީހުންނަށް ދުވާލެއްގެ މައްޗަށް ރާއްޖެ އާދެވޭނެކަމަށެވެ.
ޤަތަރު އެއާވެއިސްއިން ރާއްޖެއަށް ކުރާ ދަތުރުތައް އިތުރު ކޮށްފައިވާއިރު، އެ އެއާލައިނުން ވަނީ ރާއްޖެއާއި ޤަތަރާއި ދެމެދު ޓްރެވެލް ބަބްލްއެއް ޤާއިމުކޮށް އޭގެ ޕެކޭޖްތައް ތަޢާރަފުކޮށްފައެވެ. އަދި މި ޕެކޭޖްއަށްވެސް ފަތުރުވެރިންގެ މެދުގައި އޮންނަ މަޤްބޫލްކަން ބޮޑުވުމުގެ ސަބަބުން ޤަތަރު އެއަރވޭސްއިން ވަނީ ސޭފް ޓްރެވަލް ބަބުލްގެ މުއްދަތު އިތުރުކޮށްފައެވެ. މި ޕެކޭޖު ތަޢާރަފްކުރިއިރު، މިޕެކޭޖުގެ ދަށުން ރާއްޖެއަށް ދަތުރު ކުރެވޭނީ 1 ޑިސެމްބަރާއި 7 ޖެނުއަރީ އާ ދެމެދުއެވެ. ނަމަވެސް މިހާރުވަނީ އަންނަމަހުގެ 31 ވަނަ ދުވަހާއި ހަމައަށް މުއްދަތު އިތުރުކޮށްފައެވެ.

ބޯޑަރު އަލުން ހުޅުވާލިފަހުން އެންމެ ގިނަ އަދަދަކަށް ރާއްޖެއަށް ފްލައިޓުތައް ބާއްވާ އެއަރލައިންތަކުގެ ތެރޭގައިވެސް ޤަތަރު އެއަރވޭސް ހިމެނެއެވެ.

advertisement